Buryndary Aǵybet aýyldyq okrýginiń turǵyndary qorasyndaǵy malyna dert kóringende ortalyqqa sabylatyn.
Endi eldi mekende zamanaýi qural jabdyqtarmen qamtamasyz etilgen veterinariialyq bekettiń jeke ǵimaraty bar. Munda 9 veterinar dáriger jumys isteidi.
Olar aýyldaǵy úi janýarlaryna veterinariialyq-sanitariialyq qaýipsizdikti saqtaý jáne aldyn alý maqsatynda asa qaýipti juqpaly aýrýlardy boldyrmaý úshin egý jáne zalalsyzdandyrý jumystarymen ainalysady.
Báidibek mal ósirýge qolaily óńir sanalady.Aimaqta 53 myń iri qara, 717 myń ýaq mal, 18 myńnan astam jylqy 250 túie bar.
Osy maldardy kenege qarsy kúzgi enzootiialyq aýrýlardyń aldyn alý jáne boldyrmaý maqsatynda 74 400 bas iri qara mal búrkilip, 555 myńnas astam ýaq mal toǵytylyp, úi irgelik qora jailar zalalsyzdandyryldy.
Sonymen qatar 81 2000 sharshy metr sýattar men mal iirimderine óńdeý jumystary júrgizilgen. Osynyń arqasynda biyl janýarlar tosynnan keletin keselden aman deidi veterinar mamandar.
Boranbai Tasshabaev, aýdandyq «Veterinarlyq qyzmet» KMK direktory: - Negizgi mindetimiz adamǵa malǵa, asa qaýipti juqpaly aýrýlardyń aldyn alý sharalaryn júrgizemiz. Ol atap aitqanda sibir jarasy, aýsyl aýrýy. Báidibek aýdany boiynsha jalpy epiziotiialyq jaǵdai turaqty. 2018 jyly japly eshqandai juqpaly aýrý tirkelgen joq.
