تاۋەلسىزدىك مەرەكەسى قارساڭىندا تۇركىستان وبلىسى بايدىبەك اۋدانىندا مال دارىگەرلىك بەكەت ەل يگىلىگىنە بەرىلدى.

بۇرىندارى اعىبەت اۋىلدىق وكرۋگىنىڭ تۇرعىندارى قوراسىنداعى مالىنا دەرت كورىنگەندە ورتالىققا سابىلاتىن.

ەندى ەلدى مەكەندە زاماناۋي قۇرال جابدىقتارمەن قامتاماسىز ەتىلگەن  ۆەتەريناريالىق بەكەتتىڭ جەكە عيماراتى بار. مۇندا 9 ۆەتەرينار دارىگەر جۇمىس ىستەيدى.

ولار اۋىلداعى ءۇي جانۋارلارىنا ۆەتەريناريالىق-سانيتاريالىق قاۋىپسىزدىكتى ساقتاۋ جانە الدىن الۋ ماقساتىندا اسا ءقاۋىپتى جۇقپالى اۋرۋلاردى بولدىرماۋ ءۇشىن ەگۋ جانە زالالسىزداندىرۋ جۇمىستارىمەن اينالىسادى.

بايدىبەك مال وسىرۋگە قولايلى ءوڭىر سانالادى.ايماقتا 53 مىڭ ءىرى قارا، 717 مىڭ ۋاق مال، 18 مىڭنان استام جىلقى 250 تۇيە بار.

وسى مالداردى كەنەگە قارسى كۇزگى ەنزووتيالىق اۋرۋلاردىڭ الدىن الۋ جانە بولدىرماۋ ماقساتىندا 74 400 باس ءىرى قارا مال بۇركىلىپ، 555 مىڭناس استام ۋاق مال توعىتىلىپ، ءۇي ىرگەلىك قورا جايلار زالالسىزداندىرىلدى.

سونىمەن قاتار 81 2000 شارشى مەتر سۋاتتار مەن مال يىرىمدەرىنە وڭدەۋ جۇمىستارى جۇرگىزىلگەن. وسىنىڭ ارقاسىندا بيىل جانۋارلار توسىننان كەلەتىن كەسەلدەن امان دەيدى ۆەتەرينار ماماندار.

بورانباي تاسشابايەۆ، اۋداندىق «ۆەتەرينارلىق قىزمەت» كمك ديرەكتورى: - نەگىزگى مىندەتىمىز ادامعا مالعا، اسا ءقاۋىپتى جۇقپالى اۋرۋلاردىڭ الدىن الۋ شارالارىن جۇرگىزەمىز. ول اتاپ ايتقاندا ءسىبىر جاراسى، اۋسىل اۋرۋى. بايدىبەك اۋدانى بويىنشا جالپى ەپيزيوتيالىق جاعداي تۇراقتى. 2018 جىلى جاپلى ەشقانداي جۇقپالى اۋرۋ تىركەلگەن جوق.