Májiliste Asanov pen Qasymov "qyrylysyp" qaldy
Bul jaiynda KTK arnasy habarlady.
Eki jyl buryn ǵana ózgeris engizilip, qaita qabyldanǵan Qylmystyq kodekstiń shikiligi shyǵa bastaǵan. Eń soraqysy, zańnyń kemshiliginen elde urlyq-qarlyqtyń sany artyp, kodekstiń olqylyǵynan qylmysty bizneske ainaldyryp alǵandar kóbeiipti. Sondyqtan búgin elimizdegi qylmystyq isterdi tergep, tekserýge tikelei jaýapty prokýror, politseiler men advokattar Májiliske túgel jinaldy. Óz kezeginde Májilis tóraǵasy Nurlan Nyǵmatýlin:
– Qazir ury 1 millionnan aspaityn aqshany qoldy qylsa, ol jábirlenýshiden keshirim surap, bitimgershilikke kelýge ruqsat berilgen. Jazalanbaǵan soń ury jurtty qaita-qaita tonai beredi. Qylmyskerler zańnyń dál osy tusyn paidalanyp ketedi, – degen N.Nyǵmatýlin endi ekinshi ret urlyqpen ustalǵandarǵa keshirimmen qaraýdyń qajeti joq alǵa tartty. Qoldanystaǵy Qylmystyq kodekske prokýrorlar da narazy. Jaqyp Asanov zańnyń bes kemshiligin tizip kelipti.
– 4 ai buryn bizdiń qyzmetkerler 9 myńnan astam ekonomikalyq qylmystyq isti tekserdi. Jartysy zańsyz qozǵalǵan. Áli de tergeýge kóńili tolmaityndar kóp. Birneshe adam basshysyn jaqsy jaǵynan sipattasa boldy, jazadan qutylyp ketedi. Úkim shyǵarý úshin osyndai dálelder jetkilikti me? – deidi QR Bas prokýrory Jaqyp Asanov
Bas prokýror januialyq janjaldan soń taiaq jegen kelinshekterdiń de máselesin qozǵady. Qazirgi zań boiynsha, áielder kúieýiniń sabap tastaǵanyn sot aldynda ózi dáleldep, kýáger retinde kórshilerdi shaqyrý kerek. Politseiler turmystyq zorlyq-zombylyq kórgenderdiń isine aralaspaidy. Áieline qol kótergenderdi úsh saǵattan artyq usatýǵa da quqyǵy joq. Al ashýy áli basylmaǵan er-azamattar úiine jetken soń adam óltirýge deiin barady eken. Qasymov Qylmystyq kodekstiń mundai olqylyqtaryna Bas prokýratýrany kinálady.
– Bas prokýratýra qylmystyq isterge qatysty zańdardy shetelderden tikelei kóshirgen. Zańdarymyz kóbine Germaniiadan alynǵan. Qazir bir top maman taǵy da osy elge attanbaq. Al Germaniiadaǵy quqyqqorǵaý organdarynyń jumysy múldem basqa ǵoi. Bulai bireýdiń tártibin túgel kóshirip alýǵa bolmaidy, – dep QR Ishki ister ministri Qalmuhanbet Qasymov óz ýájin aitty.
Biraq Qasymovtyń qaramaǵyndaǵylarǵa advokattar renjýli. Tergeýshiler qorǵaýshylardyń dálelin elemeidi de, tipti qylmystyq istiń materialdaryn túgel kórsetpeidi eken.
Ishki ister ministri baǵynyshtylaryn advokattardan da arashalap aldy. Qasymovtyń aitýynsha, ondaǵan tom isti tegis qaǵazǵa basyp, shyǵaryp berýge qarjy joq eken. Búgingi depýtattar men prokýror, politseiler arasyndaǵy Qylmystyq kodeks tóńiregindegi uzaq aitys-tartystan soń, eki jyl buryn ǵana qabyldanǵan jańa zań qaita qaralmaqshy. Al Bas prokýror men Ishki ister ministri búgin ashyq taitalasqa túspegenimen, bir-biriniń qyzmetine kóńilderiniń tolmaitynyn anyq baiqatty.
Jáýdir Orazhan
