Májilis depýtattary buqaralyq aqparat quraldarynda, áleýmettik jelilerde, jarnamada jáne ózge de ashyq alańdarda LGBT nasihatyna tyiym salýdy kózdeitin zań jobasyn ekinshi oqylymda qabyldady. Qujat balalardy "ziiandy aqparattan qorǵaý" maqsatynda ázirlengen jáne endi Senattyń qaraýyna jiberildi, dep habarlaidy Dalanews.kz.
Bes.media málimetinshe, túzetýlerge sáikes, pedofiliia men dástúrli emes jynystyq qatynas taqyrybyndaǵy materialdardy taratýǵa shekteý qoiylady. Zańdy buzǵandarǵa ákimshilik jaýapkershilik qarastyrylǵan - 40 ailyq eseptik kórsetkishke deiin aiyppul nemese 10 táýlikke deiin qamaý.
Parlamentariilerdiń aitýynsha, bul bastama balalardy "moraldyq qundylyqtarǵa keri áser etetin kontentten qorǵaýǵa" baǵyttalǵan jáne LGBT nasihatyna qarsy petitsiianyń jalǵasy bolyp tabylady.
Alaida quqyq qorǵaýshylar bul zańdy diskriminatsiialyq ári halyqaralyq mindettemelerge qaishy dep sanaidy. Olardyń pikirinshe, qujat azamattardyń teńdik qaǵidatyn buzyp, qýdalaý men tsenzýra qaýpin arttyrady.
Bilim ministrliginiń ustanymy
Ministrlik zań jobasyn qoldaǵan. Vedomstvo ókilderi LGBT taqyrybyndaǵy nasihatty kiberbýllingpen teńestirip, mundai kontent balalardyń psihikasyna teris áser etýi múmkin ekenin atap ótti.
Aita keteiik, bul taqyryp 2024 jyldan beri talqylanyp keledi. LGBT nasihatyna qarsy petitsiiadan keiin másele birneshe ret Májilis otyrystarynda kóterilip, qoǵamdyq jáne dini pikirtalastarǵa ulasqan.
Sarapshylardyń aitýynsha, bul zań qabyldansa, LGBT qaýymdastyǵyna qarsy stigmatizatsiia men teńsizdik kúsheiýi múmkin.
