Maǵan salsa bárin 100 paiyz qazaqsha qylar edim - Balaeva
«Qazaq halqynyń sany 70 paiyzdan asyp, qazaqtildi mektep bitirýshilerdiń granty 70 paiyzǵa jetti. Al qazaqtildi You Tube arnalardyń jazylymy ózge tilderge salystyrǵanda 10 ese kóp. Bir ǵana «Oian, qazaq!» filmi rekord jasap, milliondaǵan qaralym jinady. Alaida qazaqsha oqymaityn qazaq Úkimeti qazaq tiline degen talaptyń óte joǵary ekenin qaidan bilsin?! Qazaqtildi habarlardyń bári el jatyp qalǵan tún jarymdarda kórsetiledi. Qazaqtar túnimen uiyqtamaidy dep oilaisyzdar ma? Bul qazaqsha habarlar 70 paiyzdan kem bolmai, el kóretin ýaqytta kórsetilýi tiis. Bul talapqa qalai qaraisyz?» – dedi Qazybek Isa.
Ministr eldegi BAQ ókilderiniń kóbisi jekemenshik. Olarǵa ministrliktiń aralasýǵa quqy joq dep aitty.
«Búgingi tańda 5459 buqaralyq aqparat quraly resmi tirkelgen bolsa, sonyń 90 paiyzy jekemenshik. Sondyqtan biznes sýbektilerine jatady. Sol sebepti Ulttyq ekonomika ministrligi arnaiy saraptama júrgizýde. Sonyń nátijesi shyqqan soń, ózderińizge aitatyn bolamyz. Al qazaq kontentin kóbeitýge kelsek, maǵan salsa, bárin 100 qazaqsha qylar edim», – deidi Aida Balaeva.
