«قازاق حالقىنىڭ سانى 70 پايىزدان اسىپ، ءقازاقتىلدى مەكتەپ بىتىرۋشىلەردىڭ گرانتى 70 پايىزعا جەتتى. ال ءقازاقتىلدى You Tube ارنالاردىڭ جازىلىمى وزگە تىلدەرگە سالىستىرعاندا 10 ەسە كوپ. ءبىر عانا «ويان، قازاق!» ءفيلمى رەكورد جاساپ، ميلليونداعان قارالىم جينادى. الايدا قازاقشا وقىمايتىن قازاق ۇكىمەتى قازاق تىلىنە دەگەن تالاپتىڭ وتە جوعارى ەكەنىن قايدان ءبىلسىن؟! ءقازاقتىلدى حابارلاردىڭ ءبارى ەل جاتىپ قالعان ءتۇن جارىمداردا كورسەتىلەدى. قازاقتار تۇنىمەن ۇيىقتامايدى دەپ ويلايسىزدار ما؟ بۇل قازاقشا حابارلار 70 پايىزدان كەم بولماي، ەل كورەتىن ۋاقىتتا كورسەتىلۋى ءتيىس. بۇل تالاپقا قالاي قارايسىز؟» – دەدى قازىبەك يسا.
مينيستر ەلدەگى ب ا ق وكىلدەرىنىڭ كوبىسى جەكەمەنشىك. ولارعا مينيسترلىكتىڭ ارالاسۋعا قۇقى جوق دەپ ايتتى.
«بۇگىنگى تاڭدا 5459 بۇقارالىق اقپارات قۇرالى رەسمي تىركەلگەن بولسا، سونىڭ 90 پايىزى جەكەمەنشىك. سوندىقتان بيزنەس سۋبەكتىلەرىنە جاتادى. سول سەبەپتى ۇلتتىق ەكونوميكا مينيسترلىگى ارنايى ساراپتاما جۇرگىزۋدە. سونىڭ ناتيجەسى شىققان سوڭ، وزدەرىڭىزگە ايتاتىن بولامىز. ال قازاق كونتەنتىن كوبەيتۋگە كەلسەك، ماعان سالسا، ءبارىن 100 قازاقشا قىلار ەدىم»، – دەيدى ايدا بالايەۆا.
