Mańǵystaý oblysyndaǵy jergilikti atqarýshy organdardyń ókilderi óńir turǵyndaryna MAEK-tegi energoblogtyń toqtaý sebepterin joıý baǵytyndaǵy jumystary men úzdiksiz energıamen jabdyqtaýdy qamtamasyz etý jumystaryn baqylaýda ustap, habarlap keledi, – dep habarlaıdy Dalanews.kz Mańǵystaý oblysy ákiminiń baspasóz qyzmetine silteme jasap.

Búginde jóndeý jumystary JES jáne №1, №3 energobloktarynda júrgizilip jatyr. Qazirgi ýaqytta «Kerneý» JSHS táýlik boıy jańa oqshaýlaý qabatyn qalpyna keltirýmen aınalysýda.

MAEK mamandary rotordyń oqshaýlaý kedergisin ólshep, sodan keıin jabdyqty keri jınaý jumysyn júrgizedi. Oqshaýlaý sátti júzege asqan soń, №3 energoblok generatorynyń shetka-túıispeli apparaty ornatylatyn bolady.

№1 energıablogynynyń oń jaq tuzdy bóliginde ekrandyq qubyrlary ornatylǵan jáne qazirgi qalǵan ekrandyq qubyrlarǵa kiristirýler dánekerlengen.

Barlyq montajdaý jumystary aıaqtalǵannan keıin dánekerlengen býyndardyń metalyna tekseris júrgizý josparlanýda, sodan keıin gıdravlıkalyq synaqtar júrgiziledi.

– Qazirgi ýaqytta JES agregasıasynan keıin jóndeý jumystary júrgizilýde. Osy sátte № 1 agregattan keıin oń jaq tuzdy bólik boıynsha qubyrlar aýystyrylýda. Jóndeý zaýytynda jumystar táýlik boıy júrgizilýde, – dedi JES aýysym bastyǵy Sáken Zamanov.

Esterińizge sala keteıik, 11 tamyzda 142 MVt júktemesi bar №3 JES-te energıa blogy óshken bolatyn.

https://www.youtube.com/watch?v=9HQpmUio65A