Dál qazir jóndeý zaýyty jáne «MAEK» JES-tiń mamandarynyń birlesýimen energiia bloktaryndaǵy apattyń sebepterin joiý boiynsha táýlik boiy tollasyz jumys júrgizilýde.
– Biz №3 energobloktyń qylshaq (shetka) apparatyn qalpyna keltirý boiynsha jóndeý jumystaryn júrgizip jatyrmyz jáne №1 JES energoblok qazandyǵynyń agregatynda jóndeý jumystary aiaqtalyp qaldy.
Qazandyq qondyrǵysyndaǵy jóndeý jumystarynyń sońǵy kezeńine keldik, qazir oń jaq tushy bóligindegi shamamen 9 metr bolatyn qubyrlar aýystyryldy.
Stantsiia men jóndeý zaýytynyń qyzmetkerleri energiia bloktaryn qalpyna keltirýdi jedeldetý úshin qoldarynan kelgen barlyq múmkindikti jasaidy, jóndeý zaýytynyń jumysshylary eki aýysymda 08:00-den 20:00-ge deiin jáne 20:00-den 08:00-ge deiin jumys isteidi, osylai úzilissiz birneshe brigada jumys atqarýda, – dedi «MAEK» JES bas injeneri Sergei Rakov.
Stantsiiany aralaý barysynda Nurlan Noǵaev jaýapty tulǵalarǵa naqty nusqaýlar berip, energiia bloktaryn qalpyna keltirý boiynsha josparlanǵan jumystardy ýaqtyly jáne sapaly aiaqtaýdyń mańyzdylyǵyn aitty.
Sonymen qatar, osyndai jaǵdai oryn almas úshin aldyn ala boljamdar jasap, bekitilgen kestege sáikes qurylǵylarǵa jóndeý jumystaryn júrgizý kerek. Negizgi mindet – energiiamen jabdyqtaýdyń turaqty jáne senimdi kózin qamtamasyz etý. Jabdyqtarlyń qazirgi jai-kúii men olardyń tozýyn, rezervtik qýattyń joqtyǵyn eskere otyryp, bul ońai is emes ekenin túsinemiz. Osy turǵyda atqarylyp jatqan eńbek úshin «MAEK» ujymyna alǵysymdy bildire otyryp, onyń qyzmetkerlerine týyndaǵan apattardy jedel joiýda barynsha kúsh salǵanyn aitqym keledi, – dedi Nurlan Noǵaev.
Esterińizge sala keteiik, Mańǵystaýda aptanyń sońyna deiin bekitilgen kestege sáikes elektr qýatyn paidalaný ýaqytsha shektelgen. Bul apatty jaǵdaida turǵan №3 energiia blogyndaǵy jóndeýlerge jáne «MAEK» energetikalyq keshenindegi №1 JES energiia blogynyń jumysyn ýaqytsha toqtatýǵa bailanysty.
