Mádina Sádýaqasova alǵashqy mahabbatyna til qata almai qinalypty
– Iá, mektepte ǵashyq bolǵan kezim boldy. Ol balanyń esimi Nurjan bolatyn. Tipti, tegi áli kúnge deiin esimde – Esmahanov. Oǵan ǵashyq bolǵanymdy ózi biledi. Ol menen bir synyp joǵary oqydy. Jalpy ol jigitke mekteptiń búkil qyzdary ǵashyq bolatyn. Ózi sportshy jigit edi, chempion. Ol mektepke jii kelmeitin. Sebebi únemi jarystarda júretin. Al ol mektepke kelgen kezde qyzdar esterin joǵaltatyn. Ashyqtan ashyq hat jazatyn. Onyń Sandýǵash esimdi qaryndasy bar. Mektepte qyzdardyń bári sol Sandýǵashpen dos bolǵysy keletin, – dep eske aldy Mádina.
Budan keiin Mádina ókinishine ainalǵan oqiǵany eske aldy.
– Kúnderdiń kúninde biz Nurjan ekeýmiz baspaldaqta kóz túiistirip qaldyq. Ol «sálem» dedi de joǵaryǵa kóterilip ketti. Al men sodan keiin baspaldaqtan qalai túskenimdi de bilmeimin. Sosyn mektep bitirgenshe: «Nege oǵan jaýap bermedim?» dep oilai berdim, – dedi aǵynan jarylyp ánshi.
Sádýaqasova alǵashqy mahabbaty Nurjandy jýyrda Qyzylordada kezdestirip qalǵan eken.
«Ony mektep kezinde unatqanymdy jýrnalister aityp qoidy. Olar alǵashqy mahabbatymnan: «Mádina Sádýaqasovanyń sizge ǵashyq bolǵanyn bilesiz be?» dep suraǵanda ol: «Joq, men tipti de, artymnan qyzdardyń kóp júgirgenin baiqamappyn», – dep jaýap berdi. Sportshylar qaýymy sondai bolady eken ǵoi», – deidi Mádina kúlip.
«Al bul jańalyqty kúieýińiz qalai qabyldady?» degen suraqqa ánshi: «Birqalypty. Jalpy mekteptegi bala mahabbat barlyǵynda bolady dep oilaimyn. Onyń ústine Oljas ekeýmizdiń aramyzda eshqandai syr joq. Ol onsyz da men jaiynda bárin biledi», – deidi Mádina Sádýaqasova.
