– ءيا، مەكتەپتە عاشىق بولعان كەزىم بولدى. ول بالانىڭ ەسىمى نۇرجان بولاتىن. ءتىپتى، تەگى ءالى كۇنگە دەيىن ەسىمدە – ەسماحانوۆ. وعان عاشىق بولعانىمدى ءوزى بىلەدى. ول مەنەن ءبىر سىنىپ جوعارى وقىدى. جالپى ول جىگىتكە مەكتەپتىڭ بۇكىل قىزدارى عاشىق بولاتىن. ءوزى سپورتشى جىگىت ەدى، چەمپيون. ول مەكتەپكە ءجيى كەلمەيتىن. سەبەبى ۇنەمى جارىستاردا جۇرەتىن. ال ول مەكتەپكە كەلگەن كەزدە قىزدار ەستەرىن جوعالتاتىن. اشىقتان اشىق حات جازاتىن. ونىڭ ساندۋعاش ەسىمدى قارىنداسى بار. مەكتەپتە قىزداردىڭ ءبارى سول ساندۋعاشپەن دوس بولعىسى كەلەتىن، – دەپ ەسكە الدى ءمادينا.
بۇدان كەيىن ءمادينا وكىنىشىنە اينالعان وقيعانى ەسكە الدى.
– كۇندەردىڭ كۇنىندە ءبىز نۇرجان ەكەۋمىز باسپالداقتا كوز ءتۇيىستىرىپ قالدىق. ول «سالەم» دەدى دە جوعارىعا كوتەرىلىپ كەتتى. ال مەن سودان كەيىن باسپالداقتان قالاي تۇسكەنىمدى دە بىلمەيمىن. سوسىن مەكتەپ بىتىرگەنشە: «نەگە وعان جاۋاپ بەرمەدىم؟» دەپ ويلاي بەردىم، – دەدى اعىنان جارىلىپ ءانشى.
ءسادۋاقاسوۆا العاشقى ماحابباتى نۇرجاندى جۋىردا قىزىلوردادا كەزدەستىرىپ قالعان ەكەن.
«ونى مەكتەپ كەزىندە ۇناتقانىمدى جۋرناليستەر ايتىپ قويدى. ولار العاشقى ماحابباتىمنان: «ءمادينا ءسادۋاقاسوۆانىڭ سىزگە عاشىق بولعانىن بىلەسىز بە؟» دەپ سۇراعاندا ول: «جوق، مەن ءتىپتى دە، ارتىمنان قىزداردىڭ كوپ جۇگىرگەنىن بايقاماپپىن»، – دەپ جاۋاپ بەردى. سپورتشىلار قاۋىمى سونداي بولادى ەكەن عوي»، – دەيدى ءمادينا كۇلىپ.
«ال بۇل جاڭالىقتى كۇيەۋىڭىز قالاي قابىلدادى؟» دەگەن سۇراققا ءانشى: «ءبىرقالىپتى. جالپى مەكتەپتەگى بالا ماحاببات بارلىعىندا بولادى دەپ ويلايمىن. ونىڭ ۇستىنە ولجاس ەكەۋمىزدىڭ ارامىزدا ەشقانداي سىر جوق. ول ونسىز دا مەن جايىندا ءبارىن بىلەدى»، – دەيدى ءمادينا ءسادۋاقاسوۆا.
