QR Premer-ministriniń tóraǵalyǵymen ótken Úkimet otyrysynda qarjy ministri Mádi Tákiev memlekettik boryshtyń ózekti jai-kúii jáne ony basqarý jónindegi sharalar týraly baiandady. Onyń derekteri boiynsha, 1 shildedegi jaǵdai boiynsha memlekettik qaryz 31,9 trln teńgeni nemese JIÓ-ge 21,1%-dy qurap, jyl basynan beri 40 mlrd teńgege ulǵaidy, dep habarlaidy Dalanews.kz.
Negizgi ósý faktory – respýblikalyq biýdjet tapshylyǵyn qarjylandyrý jáne budan buryn tartylǵan qaryzdardy igerý bolyp tabylady.
Bul rette, jalpy ishki ónimniń ósimi qarqynynyń arqasynda, memlekettik boryshtyń jalpy ishki ónimge qatynasy tómendeýi jalǵasýda:
- 2020 jylǵy 29,2%-dan
2024 jyly 23,5%-ǵa deiin.
Osylaisha, 2030 jylǵa deiingi Qazaqstan Respýblikasynyń memlekettik qarjysyn basqarý tujyrymdamasynda belgilengen jalpy ishki ónimge 32% kólemindegi memlekettik borysh limiti saqtalyp otyr.
Budan basqa, osy jyldyń 24 maýsymynda Qarjy ministrligi 2,5 mlrd dollar somasyna evrobondtar ornalastyrdy. Bul jiyntyq boryshty ulǵaitpai, 2015 jylǵy syrtqy mindettemeler boiynsha aldaǵy tólemderdi tolyǵymen qaita qarjylandyrýǵa múmkindik berdi.
Osylaisha, syrtqy naryqta kvazimemlekettik sektor sýbektileri/niń bolashaqta qaryz alýy úshin kiristilik baǵdary aiqyndaldy.
