ق ر پرەمەر-مينيسترىنىڭ توراعالىعىمەن وتكەن ۇكىمەت وتىرىسىندا قارجى ءمينيسترى ءمادي تاكييەۆ مەملەكەتتىك بورىشتىڭ وزەكتى جاي-كۇيى جانە ونى باسقارۋ جونىندەگى شارالار تۋرالى باياندادى. ونىڭ دەرەكتەرى بويىنشا، 1 شىلدەدەگى جاعداي بويىنشا مەملەكەتتىك قارىز 31،9 ترلن تەڭگەنى نەمەسە جىو-گە 21،1%-دى قۇراپ، جىل باسىنان بەرى 40 ملرد تەڭگەگە ۇلعايدى، دەپ حابارلايدى Dalanews.kz.
نەگىزگى ءوسۋ فاكتورى – رەسپۋبليكالىق بيۋدجەت تاپشىلىعىن قارجىلاندىرۋ جانە بۇدان بۇرىن تارتىلعان قارىزداردى يگەرۋ بولىپ تابىلادى.
بۇل رەتتە، جالپى ىشكى ءونىمنىڭ ءوسىمى قارقىنىنىڭ ارقاسىندا، مەملەكەتتىك بورىشتىڭ جالپى ىشكى ونىمگە قاتىناسى تومەندەۋى جالعاسۋدا:
- 2020 جىلعى 29،2%-دان
2024 جىلى 23،5%-عا دەيىن.
وسىلايشا، 2030 جىلعا دەيىنگى قازاقستان رەسپۋبليكاسىنىڭ مەملەكەتتىك قارجىسىن باسقارۋ تۇجىرىمداماسىندا بەلگىلەنگەن جالپى ىشكى ونىمگە 32% كولەمىندەگى مەملەكەتتىك بورىش ءليميتى ساقتالىپ وتىر.
بۇدان باسقا، وسى جىلدىڭ 24 ماۋسىمىندا قارجى مينيسترلىگى 2،5 ملرد دوللار سوماسىنا ەۆروبوندتار ورنالاستىردى. بۇل جيىنتىق بورىشتى ۇلعايتپاي، 2015 جىلعى سىرتقى مىندەتتەمەلەر بويىنشا الداعى تولەمدەردى تولىعىمەن قايتا قارجىلاندىرۋعا مۇمكىندىك بەردى.
وسىلايشا، سىرتقى نارىقتا كۆازيمەملەكەتتىك سەكتور سۋبەكتىلەرى/ءنىڭ بولاشاقتا قارىز الۋى ءۇشىن كىرىستىلىك باعدارى ايقىندالدى.
