Ishki ister ministrligi áleýmettik jelilerde zańǵa qaishy kontent taratqan toǵyz avtordy ákimshilik jaýapkershilikke tartty, dep habarlaidy dalanews.kz.
Vedomstvo málimetinshe, olar laik, qaralym jáne donat úshin eshteńeden taiynbai, shekten shyqqan. TikTok-taǵy tikelei efirlerde balaǵat sózder aityp, ádepsiz áreketter kórsetip, qaýipti prankter uiymdastyryp, adamdardy qorlaǵan.
"TikTok-ta "Baýyrsaq" laqapatymen Astana qalasynyń 37 jastaǵy turǵyny Eshtaeva Indira Orazqyzy tikelei efir barysynda balaǵat sózder aityp, zańsyz kontent taratqan. Usaq buzaqylyq jasaǵany úshin oǵan ákimshilik aiyppul salyndy. Almaty qalasynda 32 jastaǵy Batyrbek Aqtóre Seisembekuly tikelei efir kezinde balaǵat sózder aityp, ainalasyndaǵylardy qorlaǵan. Sot sheshimimen ol bes táýlikke ákimshilik qamaýǵa alyndy. Shymkent qalasynda 20 jastaǵy Seidaliev Daniiar aýditoriianyń nazaryn aýdarý maqsatynda tikelei efirde elektroshoker qoldanyp, adam urlaý kórinisin ádeii uiymdastyryp, efir barysynda balaǵat sózder aityp, qoǵamdyq tártipti óreskel buzǵan. Osy áreketi úshin ol segiz táýlikke ákimshilik qamaýǵa alyndy. Jambyl oblysynda "Altyn qyz" laqap atymen 41 jastaǵy Qasymova Lailo Djýbanyshbekqyzy birneshe ret tikelei efirge shyǵyp, balaǵat sózder aityp, quqyqqa qaishy kontent taratqan. Oǵan da ákimshilik aiyppul salyndy. Sondai-aq, osy oblysta 19 jastaǵy Baibek Jarqynai men Tanaberganov Asyljannyń TikTok-ta donat jinaý jáne aýditoriia tartý maqsatynda tikelei efirde bir-birine ádeii dene jaraqatyn salyp, "haip" úshin kontent jasaǵany anyqtaldy. Ekeýi de ákimshilik jaýapkershilikke tartyldy", - dedi IIM resmi ókili Shyńǵys Álekeshev.
Ministrlik internettegi anonimdilik jaýapkershilikten qutqarmaitynyn eskertti.
