– Biz saraptama tujyrymymen múldem kelispeimiz! Onyń aǵzasynda qany az, boiynda qaterli isik bar deýi tipti durys emes. Lagerge barar aldynda ǵana tolyq tekseristen ótti. Sol kezde qaterli isiktiń bir belgisi bolmas pa edi?! Tap-taza, esh syrqaty joq. Biz buny bulai qaldyrmaimyz, – dep Hromtaý aýdany aýrýhanasynyń bas dárigeri Maqsat Serǵazin KTK arnasyna túsinikteme bergen.
Nurdáýlet Manap lagerge attanar aldynda meditsinalyq tekseristen ótken. Deriger saraptamynyń bári durys bolǵanyn alǵa tartty. Onyń ústine jasóspirim qandaida bir aýrý boiynsha esh jerde esepte turmaǵan. Tipti onkologiia aýrýy da bolmapty.
Alaida balanyń denesine saraptama jasaǵan Kókshetaýdaǵy mamandar marqum qaterli isikten kóz jumǵanyn alǵa tartýda.
Tipti ulynyń denesin alyp ketýge kelgen týystaryna naqty ólim sebebi jazylǵan bir japyraq qaǵaz ustatypty.
Býrabaidaǵy «Baldaýren» saýyqtyrý ortalyǵyna demalýǵa kelgen 14 jastaǵy bala keshe kóz jumdy. Nurdáýlettiń túnimen ishi aýyryp, tań ata jedel járdem kelgenshe qaitys bolǵanyn lager basshysy alǵa tartqan bolatyn. Búginde atalmysh oqiǵaǵa boiynsha tergeý júrýde.
– 11 qańtar kúni jasalǵan saraptamada balanyń ólimine aǵzanyń qan azdyǵy jáne jambasta qaterli isiktiń paida bolýy sebep bolǵan. Tergeý jalǵasýda, – deidi Aqmola oblysy PD baspasóz qyzmetiniń jetekshisi Gúlnar Pinchýk.
