– بٸز ساراپتاما تۇجىرىمىمەن مٷلدەم كەلٸسپەيمٸز! ونىڭ اعزاسىندا قانى از, بويىندا قاتەرلٸ ٸسٸك بار دەۋٸ تٸپتٸ دۇرىس ەمەس. لاگەرگە بارار الدىندا عانا تولىق تەكسەرٸستەن ٶتتٸ. سول كەزدە قاتەرلٸ ٸسٸكتٸڭ بٸر بەلگٸسٸ بولماس پا ەدٸ?! تاپ-تازا, ەش سىرقاتى جوق. بٸز بۇنى بۇلاي قالدىرمايمىز, – دەپ حرومتاۋ اۋدانى اۋرۋحاناسىنىڭ باس دەرٸگەرٸ ماقسات سەرعازين كتك ارناسىنا تٷسٸنٸكتەمە بەرگەن.
نۇردەۋلەت ماناپ لاگەرگە اتتانار الدىندا مەديتسينالىق تەكسەرٸستەن ٶتكەن. دەرٸگەر ساراپتامىنىڭ بەرٸ دۇرىس بولعانىن العا تارتتى. ونىڭ ٷستٸنە جاسٶسپٸرٸم قاندايدا بٸر اۋرۋ بويىنشا ەش جەردە ەسەپتە تۇرماعان. تٸپتٸ ونكولوگييا اۋرۋى دا بولماپتى.
الايدا بالانىڭ دەنەسٸنە ساراپتاما جاساعان كٶكشەتاۋداعى ماماندار مارقۇم قاتەرلٸ ٸسٸكتەن كٶز جۇمعانىن العا تارتۋدا.
تٸپتٸ ۇلىنىڭ دەنەسٸن الىپ كەتۋگە كەلگەن تۋىستارىنا ناقتى ٶلٸم سەبەبٸ جازىلعان بٸر جاپىراق قاعاز ۇستاتىپتى.
بۋرابايداعى «بالداۋرەن» ساۋىقتىرۋ ورتالىعىنا دەمالۋعا كەلگەن 14 جاستاعى بالا كەشە كٶز جۇمدى. نۇردەۋلەتتٸڭ تٷنٸمەن ٸشٸ اۋىرىپ, تاڭ اتا جەدەل جەردەم كەلگەنشە قايتىس بولعانىن لاگەر باسشىسى العا تارتقان بولاتىن. بٷگٸندە اتالمىش وقيعاعا بويىنشا تەرگەۋ جٷرۋدە.
– 11 قاڭتار كٷنٸ جاسالعان ساراپتامادا بالانىڭ ٶلٸمٸنە اعزانىڭ قان ازدىعى جەنە جامباستا قاتەرلٸ ٸسٸكتٸڭ پايدا بولۋى سەبەپ بولعان. تەرگەۋ جالعاسۋدا, – دەيدٸ اقمولا وبلىسى پد باسپاسٶز قىزمەتٸنٸڭ جەتەكشٸسٸ گٷلنار پينچۋك.
