Astana halyqaralyq qarjy ortalyǵynda tirkelgen Finaccord Limited investitsiialyq-qarjy kompaniiasy óziniń jalǵyz aktsioneri Oleg Novachýkke 1,647 mlrd teńge divident tóleidi, dep habarlaidy Dalanews.kz.
Bul týraly málimet Qazaqstan qor birjasynyń saitynda jariialandy.
Finaccord Limited-tiń 2023 jyldyń qorytyndysy boiynsha jaratylmaǵan tabysy 14,8 mlrd teńgeni qurady. Onyń ishinen 4,8 mlrd teńge buǵan deiin de kompaniianyń jalǵyz aktsionerine dividend retinde tólengen bolatyn.
"Kompaniianyń jaratylmaǵan tabysynan artylǵan bólik 2023 jylǵy 31 jeltoqsandaǵy jaǵdai boiynsha 9,99 mlrd teńgeni qurady. Osyǵan bailanysty kompaniianyń jaratylmaǵan paidasynyń qaldyq 1,6 mlrd teńgesin (3 3,3 mln dollar) 2023 jylǵy 31 jeltoqsandaǵy jaǵdai boiynsha aktsionerdiń dividenti dep jariialaý týraly sheshim qabyldandy", delingen kompaniia habarlamasynda.
2023 jyly Finaccord Limited kompaniiasynyń taza tabysy 2 mlrd teńgeni qurady. Kompaniia 2022 jyly Astana halyqaralyq qarjy ortalyǵynda tirkelgen jáne aktsionerdiń investitsiialaryn qosa alǵanda, rettelmeitin investitsiialyq qyzmetpen jáne óz investitsiialaryn basqarýmen ainalysady.
Oleg Novachýk týraly az-kem málimet
Ol Forbes boiynsha Qazaqstandaǵy eń bai adamdar tiziminde 34-shi orynda (2 265 mln dollar) tur. Sondai-aq ol Nova Resources B.V. direktorlar keńesiniń tóraǵasy, sol arqyly Kaz Minerals-taǵy 36,5% úlesin basqaryp, Vladimir Kimmen (úlesi - 63,5%) qatar turǵan baqylaýshy aktsionerlerdiń biri bolyp tabylady.
"Jasyratyny joq, Novachýktyń búkil biznesi Qazaqstannyń eń yqpaldy biznesmenderiniń reitingi basyna turǵan Vladimir Kimmen tyǵyz bailanysty. Kim 2022 jyly Finaccord Limited-ti qurdy, biraq úsh aidan keiin, 2023 jyldyń qańtarynda ony qandai da bir sebeptermen Novachýkqa tapsyrdy. Aitqandai, Oleg Nikolaevich Reseidegi altyn óndirisimen ainalysatyn Baim jobasyna qol jetkizbei turǵanda, bir jyl buryn 2022 jyldyń maýsymynda qurylǵan Trianon Limited kompaniiasynyń teń tóraǵasy atandy. Al 2018 jyldan beri bul aktivti reseilik Roman Abramovich pen Aleksandr Abramovanyń qurylymdarynan satyp alǵan KAZ Minerals ielik etip kelgen. Biraq 2023 jyly sanktsiialar qaýpine bailanysty ony enshiles kompaniiaǵa berý týraly sheshim qabyldandy. Ol úshin, tipti Resei prezidenti Vladimir Pýtinniń ruqsatyn alý qajet bolǵan. Mamyr aiynyń sońynda Trianon Limited Baim jobasynan birjolata qutyldy. Olar ony reseilik "Severnaia Avrora"jabyq investitsiialyq qoryna satty. Onyń ózge aktivteri týraly málimet joqtyń qasy. Kaz Minerals-ta Vladimir Kim prezident ári atqarýshy emes direktor laýazymdaryn atqarady. Oleg Novachýk KAZ Minerals direktorlar keńesin basqarady. Sonymen "Kim – Novachýk" seriktestigi artynda ne jatqany jaily, ókinishke qarai, eshkim eshnárse aitpaidy" dep jazady qoǵam belsendisi Berik Jaǵyparov jelide.
Aldynda Keńes Raqyshev aktivterin nege satyp jatqanyn jazǵan bolatynbyz.
