Bıyl sáýir aıynda Soltústik Koreıa lıderi Kım Chen Ynnyń aǵasy Kım Chen Namdy óltirdi dep sottalǵan 28 jastaǵy Vetnam azamaty Doan Thı Hyong bostandyqqa shyqty dep habarlaıdy Time jýrnaly advokatyna silteme jasap.

Kım Chen Nam 2017 jyldyń aqpan aıynda Kýala-Lýmpýr áýejaıynda óltirildi. Onyń betine belgisiz bireýler ýlanǵan shúberek japqan. Ony óltirdi dep vetnamdyq Doan Thı Hyong men ındonezıalyq Sıtı Aısıa tutqyndalǵan. Olardyń qorǵaýshylary qyzdar realıtı-shoýǵa qatysyp jatyrmyz dep aldanǵan deıdi.

1 sáýirde Doan Thı Hyong úsh jarym jylǵa túrme jazasyna kesilgen. Biraq ol jazasynyń úshten ekisin ótep, keshirim surap, merziminen buryn bostandyqqa shyqqan. Sıtı Aısıa bolsa naýryz aıynda bosap shyqqan.

Soltústik Koreıanyń lıderi bolǵan Kım Chen Irdiń úlken uly Kım Chen Nam taq murageri retinde qarastyrylǵan. Biraq ol shetelge ketip, sonda turǵan. Ákesiniń óliminen keıin taqqa onyń inisi Kım Chen Yn otyrdy. Nam únemi Phenán saıasatyn synap kelgen. Ońtústik Koreıa barlaý qyzmeti onyń óliminiń artynda Soltústik Koreıanyń tyńshylary turǵanyn aıtady.