كيم چەن ىننىڭ اعاسىن ٶلتٸردٸ دەپ ايىپتالعان ەيەل بوستاندىققا شىققان
كيم چەن نام 2017 جىلدىڭ اقپان ايىندا كۋالا-لۋمپۋر ەۋەجايىندا ٶلتٸرٸلدٸ. ونىڭ بەتٸنە بەلگٸسٸز بٸرەۋلەر ۋلانعان شٷبەرەك جاپقان. ونى ٶلتٸردٸ دەپ ۆەتنامدىق دوان تحي حىونگ مەن يندونەزييالىق سيتي ايسيا تۇتقىندالعان. ولاردىڭ قورعاۋشىلارى قىزدار رەاليتي-شوۋعا قاتىسىپ جاتىرمىز دەپ الدانعان دەيدٸ.
1 سەۋٸردە دوان تحي حىونگ ٷش جارىم جىلعا تٷرمە جازاسىنا كەسٸلگەن. بٸراق ول جازاسىنىڭ ٷشتەن ەكٸسٸن ٶتەپ, كەشٸرٸم سۇراپ, مەرزٸمٸنەن بۇرىن بوستاندىققا شىققان. سيتي ايسيا بولسا ناۋرىز ايىندا بوساپ شىققان.
سولتٷستٸك كورەيانىڭ ليدەرٸ بولعان كيم چەن يردٸڭ ٷلكەن ۇلى كيم چەن نام تاق مۇراگەرٸ رەتٸندە قاراستىرىلعان. بٸراق ول شەتەلگە كەتٸپ, سوندا تۇرعان. ەكەسٸنٸڭ ٶلٸمٸنەن كەيٸن تاققا ونىڭ ٸنٸسٸ كيم چەن ىن وتىردى. نام ٷنەمٸ پحەنيان ساياساتىن سىناپ كەلگەن. وڭتٷستٸك كورەيا بارلاۋ قىزمەتٸ ونىڭ ٶلٸمٸنٸڭ ارتىندا سولتٷستٸك كورەيانىڭ تىڭشىلارى تۇرعانىن ايتادى.
