Koronavirýs juqtyrǵan qazaqstandyqtardyń 70%-inde aýrý belgisin baiqatpaidy. Bul týraly elimizdiń bas memlekettik sanitarlyq dárigeri Aijan Esmaǵambetova aitty, dep habarlaidy Dalanews.kz.
"Bizde aýrý juqtyrǵandardyń 70% -y, negizinen, belgisi baiqalmai ótedi. Aldynda aýrý belgisi joq naýqastardy da mindetti túrde juqpaly aýrýlar aýrýhanasyna jatqyzatynbyz.
Em alý kezinde olar sol jerde bolýy kerek boldy. Búginderi biz aýrý belgisi baiqalmaityn naýqastardy úsh kúnge deiin juqpaly aýrýlar aýrýhanasyna ustaimyz.
Bul olardyń qajetti klinikalyq diagnostikalyq synaqtardan ótýi úshin kerek", - dedi Esmaǵambetova Facebook-tegi onlain-brifingte.
Eger densaýlyǵynyń jai-kúii qanaǵattanarlyq deńgeide bolsa, analizderi jaqsy bolsa jáne aýrý barysy eshqandai belgi baiqatpasa, onda mundai naýqastardy alǵashqy meditsinalyq-sanitarlyq kómek uiymdarynyń telefon jáne videobailanys arqyly mindetti qadaǵalaýymen úidegi karantinge ornalastyramyz.
