كوروناۆيرۋس جۇقتىرعان قازاقستاندىقتاردىڭ 70%-ىندە اۋرۋ بەلگىسىن بايقاتپايدى. بۇل تۋرالى ەلىمىزدىڭ باس مەملەكەتتىك سانيتارلىق دارىگەرى ايجان ەسماعامبەتوۆا ايتتى، دەپ حابارلايدى Dalanews.kz.
"بىزدە اۋرۋ جۇقتىرعانداردىڭ 70% -ى، نەگىزىنەن، بەلگىسى بايقالماي وتەدى. الدىندا اۋرۋ بەلگىسى جوق ناۋقاستاردى دا مىندەتتى تۇردە جۇقپالى اۋرۋلار اۋرۋحاناسىنا جاتقىزاتىنبىز.
ەم الۋ كەزىندە ولار سول جەردە بولۋى كەرەك بولدى. بۇگىندەرى ءبىز اۋرۋ بەلگىسى بايقالمايتىن ناۋقاستاردى ءۇش كۇنگە دەيىن جۇقپالى اۋرۋلار اۋرۋحاناسىنا ۇستايمىز.
بۇل ولاردىڭ قاجەتتى كلينيكالىق دياگنوستيكالىق سىناقتاردان ءوتۋى ءۇشىن كەرەك"، - دەدى ەسماعامبەتوۆا Facebook-تەگى ونلاين-بريفينگتە.
ەگەر دەنساۋلىعىنىڭ جاي-كۇيى قاناعاتتانارلىق دەڭگەيدە بولسا، اناليزدەرى جاقسى بولسا جانە اۋرۋ بارىسى ەشقانداي بەلگى بايقاتپاسا، وندا مۇنداي ناۋقاستاردى العاشقى مەديسينالىق-سانيتارلىق كومەك ۇيىمدارىنىڭ تەلەفون جانە ۆيدەوبايلانىس ارقىلى مىندەتتى قاداعالاۋىمەن ۇيدەگى كارانتينگە ورنالاستىرامىز.
