Bas prokýratýra óndiristik júktemesi tómen kásiporyndardy jandandyrý, otandyq óndiristi arttyrý jáne importqa táýeldilikti tómendetý boiynsha jumysty bastady, – dep habarlaidy Dalanews.kz.
Mysaly «Qarmet Tubular Products Aktau» AQ óndiristik júktemesi tómen qubyr zaýytynyń qyzmetin qalpyna keltirý boiynsha sharalar qabyldanǵan (19% - ǵa jumys istegen).
Otandyq óndirýshi bolýyna qaramastan, kvazimemlekettik sektor kompaniialary ónimsiz deldaldar arqyly sheteldik qubyrlardy joǵary baǵamen satyp alǵan.
Úkimetke engizilgen prokýrorlyq qadaǵalaý aktisi boiynsha memlekettik organdar ulttyq kompaniialarmen birlesip, infraqurylymdyq jobalardy iske asyrý kezinde zaýyt ónimin paidalaný máselesin qarady.
Bul 8 mlrd teńgege jańa kelisimsharttar jasasýǵa jáne qyzmetkerler sanynyń 14%-ǵa ósýine yqpal etti.
Kásiporyn tolyq qýatyna jetti, onyń paidasy 2,5 ese ósti.
"Qazir basqa da toqtap qalǵan jáne óndiristik júktemesi tómen kásiporyndardyń problemalyq máseleleri pysyqtalýda. Bul jumys importty almastyrýǵa, paidalanylmaǵan resýrstardy ekonomikalyq ainalymǵa tartýǵa jáne otandyq óndiristiń ósýine jaǵdai jasaýǵa baǵyttalǵan.
Prokýrorlar satyp alýdaǵy shekteýlerge, shikizat tapshylyǵyna, ótkizý naryqtarynyń bolmaýyna jáne basqa da kedergilerge tap bolǵan biznes pen investorlardyń quqyqtaryn qorǵaýǵa baǵyttalǵan", - dep jazylǵan habarlamada.
