Atalǵan sharany QR Mádeniet jáne óner qyzmetkerleri kúnine orai Túrkistan oblystyq mádeniet jáne tilderdi damytý basqarmasy uiymdastyryp otyr.
Kontsertti quttyqtaý sózben ashqan oblys ákiminiń orynbasary Málik Otarbaev «Túrkistan oblysy, Sozaq aýdanynda dúniege kelgen ataqty kúishi, sazger Súgir Áliuly týraly jazylyp ta, aitylyp ta keledi. Ol týraly Jazýshy Táken Álimqulov «Telqońyr» áńgimesin, aqyn Bátima Batyrbekova «Kúishi» poemasyn, jazýshy Ótesh Qyrǵyzbaev «Súgir» romany men «Nazqońyr» pesasyn jazdy.
Súgirdiń kúilerin keńinen nasihattap, halyq jadynan óshirmeýge birden-bir atsalysyp júrgen mádeniet jáne óner adamdarynyń eńbegi eren. Árdaiym ónerdiń biiginde bolyp, shyǵarmashylyqtaryńyzdyń dami berýine tilektespin!», dep lebizin bildirdi.
«Kúi qudireti» atty Súgir Áliuly kúileriniń keshin ótkizýge muryndyq bolǵan «Súgir» atyndaǵy qazaq ult aspaptar orkestri Halyqaralyq «Jubanovtar áýeni» baiqaýynyń laýreaty ekenin atap ótken jón.
Bul taǵylymy mol kontsertte Súgir Áliuly, Tólegen Mombekov, Jappas Qalambaev, Bóri Isa, Álimbek Qonysbekov, Qasymbek Sarymbetov, Batyrhan Ryspanbetov syndy kompozitorlardyń kúileri, shyǵarmalary oryndaldy.
Túrkistan oblysy óńirlik kommýnikatsiia qyzmeti
