اتالعان شارانى ق ر مادەنيەت جانە ونەر قىزمەتكەرلەرى كۇنىنە وراي تۇركىستان وبلىستىق مادەنيەت جانە تىلدەردى دامىتۋ باسقارماسى ۇيىمداستىرىپ وتىر.
ۇلى تۇلعالارىمىز بەن ۇلتتىق ونەرىمىز ارقىلى ۇلت رۋحانياتىنىڭ جاڭعىرۋىنا اتسالىسۋ جانە جاس ۇرپاقتىڭ بويىنا ۇلتتىق بولمىسىمىزدى سىڭىرە وتىرىپ، ءتول ونەرىمىزدى ناسيحاتتاۋ كونسەرتتىڭ باستى ماقساتى ەدى.
كونسەرتتى قۇتتىقتاۋ سوزبەن اشقان وبلىس اكىمىنىڭ ورىنباسارى مالىك وتاربايەۆ «تۇركىستان وبلىسى، سوزاق اۋدانىندا دۇنيەگە كەلگەن اتاقتى كۇيشى، سازگەر سۇگىر ءالى ۇلى تۋرالى جازىلىپ تا، ايتىلىپ تا كەلەدى. ول تۋرالى جازۋشى تاكەن ءالىمقۇلوۆ «تەلقوڭىر» اڭگىمەسىن، اقىن ءباتيما باتىربەكوۆا «كۇيشى» پوەماسىن، جازۋشى وتەش قىرعىزبايەۆ «سۇگىر» رومانى مەن «نازقوڭىر» پەساسىن جازدى.
سۇگىردىڭ كۇيلەرىن كەڭىنەن ناسيحاتتاپ، حالىق جادىنان وشىرمەۋگە بىردەن-بىر اتسالىسىپ جۇرگەن مادەنيەت جانە ونەر ادامدارىنىڭ ەڭبەگى ەرەن. ءاردايىم ونەردىڭ بيىگىندە بولىپ، شىعارماشىلىقتارىڭىزدىڭ دامي بەرۋىنە تىلەكتەسپىن!»، دەپ لەبىزىن ءبىلدىردى.
«كۇي قۇدىرەتى» اتتى سۇگىر ءالى ۇلى كۇيلەرىنىڭ كەشىن وتكىزۋگە مۇرىندىق بولعان «سۇگىر» اتىنداعى قازاق ۇلت اسپاپتار وركەسترى حالىقارالىق «جۇبانوۆتار اۋەنى» بايقاۋىنىڭ لاۋرەاتى ەكەنىن اتاپ وتكەن ءجون.
بۇل تاعىلىمى مول كونسەرتتە سۇگىر ءالى ۇلى، تولەگەن مومبەكوۆ، جاپپاس قالامبايەۆ، ءبورى يسا، الىمبەك قونىسبەكوۆ، قاسىمبەك سارىمبەتوۆ، باتىرحان رىسپانبەتوۆ سىندى كومپوزيتورلاردىڭ كۇيلەرى، شىعارمالارى ورىندالدى.
تۇركىستان وبلىسى وڭىرلىك كوممۋنيكاسيا قىزمەتى
