Bloger Darhan Jolshybekov óz erkimen salyq tólegenin kórsetti, dep habarlaidy Dalanews.kz.
Jyl basynda salyq tólemegen blogerler jaily másele kóterilgen edi. Memlekettik kirister komiteti áleýmettik jelide tabys taýyp júrgen ondaǵan tanymal adamnyń biýdjetke tólem jasamai júrgenin anyqtady.
Solardyń biri – Instagram-da tanymal Darhan Jolshybekov. Ol 1,5 milliard teńgege onlain kýrs satqanymen, bul tabysty deklaratsiialamaǵan. Osyǵan bailanysty oǵan qatysty suraqtar týyndady.
Nátijesinde bloger oilanyp, memleketpen zańdy túrde tabysyn bólisýge sheshim qabyldaǵan, tipti kontent túsirip úlgergen.
"Maqtanyp, mindetsinip jatyr dep oilamańyzdar. Osyndai sátterdi de kórsetip qoiaiynshy dedim. Blogerlerdiń tizimi shyǵyp ketti ǵoi. Salyqty bárimiz tóleýimiz kerek, ol bizdiń mindetimiz jáne azamattyq boryshymyz. Ony az ailyq alyp otyrǵan adamdardyń ózi de tóleidi. Biz kásipker bola otyryp, qyzǵanýymyz kerek? Ol eldiń damýyna bizdiń bergen úlesimiz", - deidi bloger.
Aita keteiik, elimizde resmi túrde 745 bloger tirkelgen. Olar biyl 9 aida memleketke 1,2 mlrd teńgeden astam salyq tóledi.
Buǵan deiin qazaqstandyq blogerlerdiń tizimi qyrkúiek aiynan bastap aqparat ministrligi kirister komitetine beriletinin habarlaǵan edi. Bul arqyly áleýmettik jelide jalǵan aqaparat taratqan insta-juldyzdaryna 20 ailyq eseptik kórsetkish kóleminde aiyppul salynatyny aityldy. Sonymen qatar kásipker retinde tirkelgender de salyq tóleitini eskertildi.
