بلوگەر دارحان جولشىبەكوۆ ٶز ەركٸمەن سالىق تٶلەگەنٸن كٶرسەتتٸ, دەپ حابارلايدى Dalanews.kz.
جىل باسىندا سالىق تٶلەمەگەن بلوگەرلەر جايلى مەسەلە كٶتەرٸلگەن ەدٸ. مەملەكەتتٸك كٸرٸستەر كوميتەتٸ ەلەۋمەتتٸك جەلٸدە تابىس تاۋىپ جٷرگەن ونداعان تانىمال ادامنىڭ بيۋدجەتكە تٶلەم جاساماي جٷرگەنٸن انىقتادى.
سولاردىڭ بٸرٸ – Instagram-دا تانىمال دارحان جولشىبەكوۆ. ول 1,5 ميلليارد تەڭگەگە ونلاين كۋرس ساتقانىمەن, بۇل تابىستى دەكلاراتسييالاماعان. وسىعان بايلانىستى وعان قاتىستى سۇراقتار تۋىندادى.
نەتيجەسٸندە بلوگەر ويلانىپ, مەملەكەتپەن زاڭدى تٷردە تابىسىن بٶلٸسۋگە شەشٸم قابىلداعان, تٸپتٸ كونتەنت تٷسٸرٸپ ٷلگەرگەن.
"ماقتانىپ, مٸندەتسٸنٸپ جاتىر دەپ ويلاماڭىزدار. وسىنداي سەتتەردٸ دە كٶرسەتٸپ قويايىنشى دەدٸم. بلوگەرلەردٸڭ تٸزٸمٸ شىعىپ كەتتٸ عوي. سالىقتى بەرٸمٸز تٶلەۋٸمٸز كەرەك, ول بٸزدٸڭ مٸندەتٸمٸز جەنە ازاماتتىق بورىشىمىز. ونى از ايلىق الىپ وتىرعان ادامداردىڭ ٶزٸ دە تٶلەيدٸ. بٸز كەسٸپكەر بولا وتىرىپ, قىزعانۋىمىز كەرەك? ول ەلدٸڭ دامۋىنا بٸزدٸڭ بەرگەن ٷلەسٸمٸز", - دەيدٸ بلوگەر.
ايتا كەتەيٸك, ەلٸمٸزدە رەسمي تٷردە 745 بلوگەر تٸركەلگەن. ولار بيىل 9 ايدا مەملەكەتكە 1,2 ملرد تەڭگەدەن استام سالىق تٶلەدٸ.
بۇعان دەيٸن قازاقستاندىق بلوگەرلەردٸڭ تٸزٸمٸ قىركٷيەك ايىنان باستاپ اقپارات مينيسترلٸگٸ كٸرٸستەر كوميتەتٸنە بەرٸلەتٸنٸن حابارلاعان ەدٸ. بۇل ارقىلى ەلەۋمەتتٸك جەلٸدە جالعان اقاپارات تاراتقان ينستا-جۇلدىزدارىنا 20 ايلىق ەسەپتٸك كٶرسەتكٸش كٶلەمٸندە ايىپپۇل سالىناتىنى ايتىلدى. سونىمەن قاتار كەسٸپكەر رەتٸندە تٸركەلگەندەر دە سالىق تٶلەيتٸنٸ ەسكەرتٸلدٸ.
