Qazaqstandaǵy jol boiyndaǵy qyzmet kórsetý nysandary — dámhanalar, janarmai beketteri men tehnikalyq stantsiialar — endi bekitilgen standarttarǵa sai bolýy mindetteledi. Bul týraly Úkimet otyrysynda Premer-ministr Oljas Bektenov málimdedi, dep habarlaidy Dalanews.kz.
Onyń aitýynsha, Kólik, Saýda, Ulttyq ekonomika, Týrizm ministrlikteri men jergilikti ákimdikter kúre joldar boiyndaǵy servis sapasyn jaqsartýdy jalǵastyrýy qajet.
“Jol boiyndaǵy dámhanalar, janarmai quiý beketteri men tehnikalyq qyzmet kórsetý stantsiialary qabyldanǵan standarttarǵa tolyq sai kelýi tiis. Sonymen qatar osy salada jumys isteitin kásipkerlerdi yntalandyrý joldaryn qarastyrýdy tapsyramyn. Týristerdiń qaýipsizdigine erekshe mán berilýi kerek”, — dedi Úkimet basshysy.
Sondai-aq Premer-ministr el aýmaǵyndaǵy barlyq infraqurylym — áýejailar, qonaqúiler, saýda oryndary, qoǵamdyq tamaqtaný núkteleri men kontsert zaldary — qaýipsizdik pen jailylyq talaptaryna sai bolýy keregin atap ótti.
Oljas Bektenov Týrizm, Mádeniet, Densaýlyq saqtaý, Ishki ister ministrlikteri men arnaiy memlekettik organdarǵa mádeni, sporttyq jáne týristik is-sharalardy ótkizýde jan-jaqty qoldaý kórsetýdi tapsyrdy.
“Mundai is-sharalar elimizdiń halyqaralyq imidjin nyǵaityp, týrister men investorlar úshin Qazaqstandy tartymdy ete túsedi”, — dedi Premer-ministr.
