Byltyr "Nur-Muqasan" tobynyń jańa múshesi Ǵalymjan Súleimen toptyń burynǵy ánshisi, tanymal juldyz Muqasan Shahzadaevtan ońbai taiaq jegenin aitqan edi. Ánshi taǵy da ózine qatysty alańdatatyn jaǵdailar kóbeigenin málimdedi. Ol áleýmettik jelide jariialaǵan videoda keiingi kezde kúmán týdyrǵan birneshe oqiǵa bolǵanyn aitty, dep habarlaidy dalanews.kz.
Óner iesiniń sózinshe, jaqynda aýlada eki beitanys adam kelip, betterin jasyryp sóilesken. Onyń aitýynsha, kúmándi adamdar bas kiimin basyp kiip, betperde taqqan. Sonymen qatar, ol kóligin jýýǵa aparǵan kezde burandalary bos turǵanyn baiqaǵanyn jetkizdi.
Ánshi eshkimge naqty aiyp taqqysy kelmeitinin aitqanymen, mundai jaittar alańdatatynyn jasyrmady.
Al onyń ókili ári zańgeri Inga Imanbai is sozylyp ketkenine nazar aýdardy. Onyń pikirinshe, densaýlyqqa qasaqana ortasha aýyrlyqtaǵy ziian keltirý babymen qozǵalǵan istiń jarty jyl boiy sotqa jetpeýi kúmán týdyrady. Zańger bul jaǵdaiǵa qandai da bir yqpal bolýy múmkin ekenin aityp, ánshiniń qaýipsizdigine alańdaitynyn jetkizdi.
"Istiń jarty jyl boiy sotqa jetpeýiniń ózi bul jerde yqpaldyń bar ekenin, qandai da kúmándi jaǵdailar bolyp jatqanyn kórsetedi. Sondyqtan zańgeri, ókili retinde Ǵalymjan myrzanyń aityp turǵan jaǵdailaryna alańdaýlymyn", - dedi ol.
Buǵan deiin istiń mán-jaiyn jazǵan edik. Ǵalymjan Súleimenniń aitýynsha, daýdyń bári ánnen shyqqan. Máseleni sheshý úshin ol Shahzadaevtyń úiine barǵan. Alaida soqqyǵa jyǵylǵan. "Politsiia Muqasandy emes, meni alyp ketti" deidi ol.
Keiinirek ánshi Muqasan Shahzadaev ustalǵany týraly aqparat tarady.
Málimetke súiensek, is QR Qylmystyq kodeksiniń 107-baby 2-bóligi - "Adamdar tobynyń aldyn-ala sóz bailasýy arqyly densaýlyqqa qasaqana ortasha aýyrlyqtaǵy ziian keltirý" boiynsha qozǵalǵan. Bul bap boiynsha aiypty dep tanylǵan adam 3 jylǵa deiin bas bostandyǵynan aiyrylýy múmkin.
