بىلتىر "نۇر-مۇقاسان" توبىنىڭ جاڭا مٷشەسٸ عالىمجان سٷلەيمەن توپتىڭ بۇرىنعى ەنشٸسٸ, تانىمال جۇلدىز مۇقاسان شاحزاداەۆتان وڭباي تاياق جەگەنٸن ايتقان ەدٸ. ەنشٸ تاعى دا ٶزٸنە قاتىستى الاڭداتاتىن جاعدايلار كٶبەيگەنٸن مەلٸمدەدٸ. ول ەلەۋمەتتٸك جەلٸدە جارييالاعان ۆيدەودا كەيٸنگٸ كەزدە كٷمەن تۋدىرعان بٸرنەشە وقيعا بولعانىن ايتتى, دەپ حابارلايدى dalanews.kz.
ٶنەر يەسٸنٸڭ سٶزٸنشە, جاقىندا اۋلادا ەكٸ بەيتانىس ادام كەلٸپ, بەتتەرٸن جاسىرىپ سٶيلەسكەن. ونىڭ ايتۋىنشا, كٷمەندٸ ادامدار باس كيٸمٸن باسىپ كيٸپ, بەتپەردە تاققان. سونىمەن قاتار, ول كٶلٸگٸن جۋۋعا اپارعان كەزدە بۇراندالارى بوس تۇرعانىن بايقاعانىن جەتكٸزدٸ.
ەنشٸ ەشكٸمگە ناقتى ايىپ تاققىسى كەلمەيتٸنٸن ايتقانىمەن, مۇنداي جايتتار الاڭداتاتىنىن جاسىرمادى.
ال ونىڭ ٶكٸلٸ ەرٸ زاڭگەرٸ ينگا يمانباي ٸس سوزىلىپ كەتكەنٸنە نازار اۋداردى. ونىڭ پٸكٸرٸنشە, دەنساۋلىققا قاساقانا ورتاشا اۋىرلىقتاعى زييان كەلتٸرۋ بابىمەن قوزعالعان ٸستٸڭ جارتى جىل بويى سوتقا جەتپەۋٸ كٷمەن تۋدىرادى. زاڭگەر بۇل جاعدايعا قانداي دا بٸر ىقپال بولۋى مٷمكٸن ەكەنٸن ايتىپ, ەنشٸنٸڭ قاۋٸپسٸزدٸگٸنە الاڭدايتىنىن جەتكٸزدٸ.
"ٸستٸڭ جارتى جىل بويى سوتقا جەتپەۋٸنٸڭ ٶزٸ بۇل جەردە ىقپالدىڭ بار ەكەنٸن, قانداي دا كٷمەندٸ جاعدايلار بولىپ جاتقانىن كٶرسەتەدٸ. سوندىقتان زاڭگەرٸ, ٶكٸلٸ رەتٸندە عالىمجان مىرزانىڭ ايتىپ تۇرعان جاعدايلارىنا الاڭداۋلىمىن", - دەدٸ ول.
بۇعان دەيٸن ٸستٸڭ مەن-جايىن جازعان ەدٸك. عالىمجان سٷلەيمەننٸڭ ايتۋىنشا, داۋدىڭ بەرٸ ەننەن شىققان. مەسەلەنٸ شەشۋ ٷشٸن ول شاحزاداەۆتىڭ ٷيٸنە بارعان. الايدا سوققىعا جىعىلعان. "پوليتسييا مۇقاساندى ەمەس, مەنٸ الىپ كەتتٸ" دەيدٸ ول.
كەيٸنٸرەك ەنشٸ مۇقاسان شاحزاداەۆ ۇستالعانى تۋرالى اقپارات تارادى.
مەلٸمەتكە سٷيەنسەك, ٸس قر قىلمىستىق كودەكسٸنٸڭ 107-بابى 2-بٶلٸگٸ - "ادامدار توبىنىڭ الدىن-الا سٶز بايلاسۋى ارقىلى دەنساۋلىققا قاساقانا ورتاشا اۋىرلىقتاعى زييان كەلتٸرۋ" بويىنشا قوزعالعان. بۇل باپ بويىنشا ايىپتى دەپ تانىلعان ادام 3 جىلعا دەيٸن باس بوستاندىعىنان ايىرىلۋى مٷمكٸن.
