Ishki ister ministriniń birinshi orynbasary Baýyrjan Alenov marqum Sherzatty óltirdi dep aityptalyp otyrǵan kúdiktilerge qatysty qosymsha derekterdi bólisti, dep habarlaidy Dalanews.kz.
Aitýynsha, BAQ betterinde jazylǵan “Hýtor” atty qylmystyq top Ishki ister organdarynda tirkelmegen.
“Bizde “Hýtor” degen qylmystyq top tirkeýde joq. Osy tusta kúdiktilerge bailanysty qysqasha aqparatty bólisip óteiin. Ekeýi ippodromda atbegi bolyp jumys isteidi, bireýi “Shymbulaqta” qara jumysshy, taǵy bireýi “Aqbulaqta” kúzetshi, al qalǵan ekeýi sulýlyq salonynda jumys isteidi”, – dedi ministrdiń orynbasary.
Aita keteiik, Almaty oblysynyń prokýrory Berik Adamov 16 jastaǵy Sherzat Bolattyń ólimine qatysty is boiynsha taǵy úsh adamnyń ustalǵanyn málimdedi.
Buǵan deiin jeti adamnyń qamaýǵa alynǵany habarlanǵan edi. Endi ustalǵandardyń sany artty.
"Bul is boiynsha 10 adam kúdikti dep tanyldy. Taǵy ekeýi qylmystyq qýdalaý orbitasynda, biraq olar - qorǵaný quqyǵy bar kýáger", - dedi Berik Adamov brifingte.
Kisi óltirý jáne buzaqylyq deregi boiynsha qylmystyq is qozǵaldy.
Eske salaiyq, buǵan deiin Talǵarda 16 jastaǵy Sherzatty óltirdi dep aiyptalyp jatqan kúdiktilerdiń sýreti áleýmettik jelide jappai taralyp ketken edi.
QirSabyn telegram arnasy birneshe kúdiktiniń sýreti men olardyń esimin jariialady. Derekkózdiń málimetinshe, kúdikteler 1993, 1998 jáne 2000 jylǵy azamattar. Olardyń ekeýi buǵan deiin de uryp-soǵý faktileri boiynsha jaýapqa tartylǵany belgili boldy.
Sot derekterine súiensek, azamat A. jáne onyń dosy buǵan deiin de buzaqylyq áreketteri úshin jaýapqa tartylǵan. Ótken jyldyń kúzinde azamat N. ekeýi janarmai beketinde beitanys jigitke shabýyl jasap, ortasha dárejedegi jaraqat salǵan. Alaida sotta eki tarap tatýlasyp, isti jyly japqan.
Azamat N. bolsa, qazirgi ýaqytta tóbeles úshin shartty túrde bas bostandyǵynan aiyrylǵan. Onyń buǵan deiin adamdarǵa tórt márte shabýyl jasaǵany belgili boldy. Biraq jábirlenýshiler oǵan belgisiz sebeptermen keshirim berip, tatýlasýǵa kelisken.
Osy tusta álemjelide Sherzat pen onyń otbasyna shabýyl jasaǵan jigitterdiń “Hýtor” atty jergilikti qylmystyq toppen bailanysy bar degen aqparat jeldei esýde. Toptyń basshysy Hasan esimdi azamat kórinedi. Kóptiń aitýy boiynsha, ol Talǵar aýdanyn úreide ustap otyr.
