Keshe Kúdebaevtyń uly ákesi shet elden óz erkimen oralǵanyn aityp, aqparat quraldaryna suhbat beripti.
– Ákem Asanbek degen kishi inime zvondap, «balam men senderdi jaqsy kóremin, elime qaityp kele jatyrmyn, meni osy jerde alyp ketedi» dep aitty. Al buqaralyq aqparat quraldary ustady dep jazyp jatyr. Bul shyndyqqa janaspaidy, – depti Kúdebaevtyń Arman Myrzaqulov.
3 sáýir kúni Almaty oblysy politsiia departamentiniń burynǵy basshysy Serik Kúdebaevqa izdeý jariialanǵan bolatyn. Oǵan eks-politseidiń elden qashýy sebep bolǵan-dy.
23 naýryzda Kúdebaev qazaq-qyrǵyz shekarasyn kesip ótip, sol kúni Bishkekten Stambýlǵa ushyp ketken.
Al 27 sáýirde bas prokýror Berik Asylov general-maiordyń ustalǵanyn málimdedi.
Kúni keshe ǵana Taldyqorǵan qalalyq sotynyń úkimimen Serik Kúdebaev Qańtar oqiǵasy kezinde aýyr zardaptarǵa (QK-niń 362-baby 4-bóligi) jáne azaptaýlarǵa (146-baby 2-bóligi) ákep soqqan bilikti asyra paidalanǵany úshin kináli dep tanylyp, ortasha qaýipsizdik mekemesinde jazasyn ótei otyryp, politsiia general maiory arnaiy ataǵynan aiyryla otyryp, 10 jylǵa bas bostandyǵynan aiyryldy.
https://www.youtube.com/watch?v=xW_VHlo-piw&t=13s
