Máskeýdegi "Matrosskaıa tıshına" tergeý abaqtysynda 2024 jyly Krokýs Sıtı Hol nysanynda bolǵan terakt isi boıynsha ómir boıyna sottalǵandardyń biri kóz jumdy. Reseı bıliginiń málimetinshe, ol sýısıd jasaǵan, dep habarlaıdy Dalanews.kz.
FSIN habarlaýynsha, dárigerler jedel kómek kórsetkenimen, er adamdy aman alyp qalý múmkin bolmaǵan. Qazirgi ýaqytta oqıǵaǵa qatysty qyzmettik tekserý júrgizilip jatyr.
Reseılik BAQ-tyń jazýynsha, marqum – 37 jastaǵy Tájikstan azamaty Iakýbjonı Davlathon Iýsýfzoda. Ol bıyl naýryz aıynda teraktini qarjylandyrdy degen aıyppen ómir boıyna sottalǵan 15 adamnyń biri bolǵan.
Aıta keteıik, 2024 jyly Krokýs Sıtı Hol kesheninde bolǵan shabýyl saldarynan 149 adam qaza taýyp, 600-den astamy jaralanǵan.
Eske salaıyq, 12 naýryzda Máskeý mańyndaǵy «Krokýs Sıtı Hol» konsert zalynda bolǵan terakt isi boıynsha sot úkimi shyqty. Teraktini tikeleı oryndaǵandar ómir boıyna bas bostandyǵynan aıyryldy.
