مەسكەۋدەگٸ "ماتروسسكايا تيشينا" تەرگەۋ اباقتىسىندا 2024 جىلى كروكۋس سيتي حولل نىسانىندا بولعان تەراكت ٸسٸ بويىنشا ٶمٸر بويىنا سوتتالعانداردىڭ بٸرٸ كٶز جۇمدى. رەسەي بيلٸگٸنٸڭ مەلٸمەتٸنشە, ول سۋيتسيد جاساعان, دەپ حابارلايدى Dalanews.kz.
فسين حابارلاۋىنشا, دەرٸگەرلەر جەدەل كٶمەك كٶرسەتكەنٸمەن, ەر ادامدى امان الىپ قالۋ مٷمكٸن بولماعان. قازٸرگٸ ۋاقىتتا وقيعاعا قاتىستى قىزمەتتٸك تەكسەرۋ جٷرگٸزٸلٸپ جاتىر.
رەسەيلٸك باق-تىڭ جازۋىنشا, مارقۇم – 37 جاستاعى تەجٸكستان ازاماتى ياكۋبجوني داۆلاتحون يۋسۋفزودا. ول بيىل ناۋرىز ايىندا تەراكتٸنٸ قارجىلاندىردى دەگەن ايىپپەن ٶمٸر بويىنا سوتتالعان 15 ادامنىڭ بٸرٸ بولعان.
ايتا كەتەيٸك, 2024 جىلى كروكۋس سيتي حولل كەشەنٸندە بولعان شابۋىل سالدارىنان 149 ادام قازا تاۋىپ, 600-دەن استامى جارالانعان.
ەسكە سالايىق, 12 ناۋرىزدا مەسكەۋ ماڭىنداعى «كروكۋس سيتي حولل» كونتسەرت زالىندا بولعان تەراكت ٸسٸ بويىنشا سوت ٷكٸمٸ شىقتى. تەراكتٸنٸ تٸكەلەي ورىنداعاندار ٶمٸر بويىنا باس بوستاندىعىنان ايىرىلدى.
