Kreml mıgranttarǵa qatysty jańa zań qabyldaǵaly Tájikstannan maza ketti.
Jańa jyldan bastap Reseıde Eýrazıa ekonomıkalyq odaǵyna kirmeıtin elderden keletin mıgranttarǵa qatysty jańa zań kúshine endi. Bul ásirese Ózbekstan men Tájikstannyń azamattaryna aýyr tıedi: olarǵa orys tili men orys tarıhynan emtıhan tapsyrýǵa jáne jumysqa ornalasý úshin burynǵydan birneshe esep qymbat patent satyp alýǵa týra keledi.
Tájikstannan keletin eńbek mıgranttarynyń 72 paıyzy jumysty Reseı astanasynan izdeıdi.
Al bul Tájikstan ekonomıkasyna úlken soqqy. Syrtta eńbek etetin tájik mıgranttarynyń elge jiberetin tabysy atalǵan eldiń ishki jalpy óniminiń (İJÓ) jartysyn quraıdy jáne Tájikstannyń bir jyldyq búdjetinen asyp túsedi.
Derek boıynsha, álemniń ár túkpirinde eńbek etetin (onyń ishinde Reseı de bar) 6 mıllıon ózbek mıgranty otanyna Ózbekstan İJÓ-siniń tórtten bir bóligine teń keletin aqsha jiberedi eken. Al Reseı Federaldy kóshi-qón qyzmetiniń dereginshe, eńbek mıgranttaryna qatysty zań qabyldanǵaly bergi eki aptanyń aralyǵynda elge kirgen azamattardyń sany 70 paıyzǵa qysqarǵan. Sarapshylardyń pikirinshe Kreml osy áreketi arqyly Orta Azıa elderin Eýrazıalyq odaqqa kirýge májbúrleýde.
Parvız MÝLLODJANOV, tájik saıasattanýshysy:
Kremldiń ıntegrasıalyq jobasyna qatysqysy kelmegen elderdi Máskeý osylaısha «jazalap» jatyr. Bul Reseıdiń burynnan bergi pysyqtap, oılastyryp júrgen jospary. Tájistan Prezıdenti Emomalı Rahmon tájik terıtorıasyna ásker ornalastyrǵany úshin Máskeýden aqy tóleýdi suraǵanda, reseılik saıasattanýshylar Reseı aýmaǵyndaǵy tájik mıgranttaryn elden shyǵarýdy talap etken bolatyn. Al eńbek mıgrasıasy Orta Azıadaǵy turaqtylyqty qamtamasyz etýde erekshe mańyzǵa ıe.
2014 jyly Reseı elde zańsyz júrgen jáne ákimshilik zańbuzýshylyqtarǵa barǵan 200 myń tájik azamatyn otanyna jibergen.
Al reseılik resmı ókilder óz sózderinde Tájikstannyń EEO-ǵa kiretinin birneshe ret ańǵartqan edi. RF halyqaralyq ister komıtetiniń múshesi Igor Morozovtyń pikirinshe, Tájikstan 2015 jyldyń aıaǵyna deıin Eýrazıalyq Odaqqa enedi.
Konstantın PARSHIN,
AQSH
