Qýandyq Bishimbaev sotta ol týraly jalǵan aqparattar aitylǵanyn málimdedi, - dep habarlaidy Dalanews.kz.
«Eger qujattarmen tanysqan bolsańyzdar, aiyptaý aktin estigen bolarsyzdar. Men ustalǵannan beri Saltanattyń týystary da, aǵasy da bolǵan jaitty burmalap piar-kompaniia uiymdastyrǵan. Kózi aǵyp, bas súiegi synyp, saý jeri qalmaǵan deidi. Munyń bári ótirik. Aiyptaý aktinde mundai nárse joq. Men ózimdi qorǵaýǵa májbúr ekenimdi aitqym kelip otyr. Qandai jaza taǵaiyndalsa da daiynmyn, biraq men ózimdi qorǵaýym kerek. Ótirik aldaýdan maǵan paida joq.
Meni bes ai boiy aiýan deidi. Bes ai boiy burmalaý arqyly maǵan qarsy kózqaras qalyptasty. Sóileýge múmkindigim bolmady. Men maǵan taǵylǵan aiypqa, burmalanǵan aqparattyń birde-bireýine jaýap bere almai, qandai kúide bolǵanymdy túsinýlerińiz kerek», - deidi Bishimbaev sotta.
Eske salaiyq, buǵan deiin Bishimbaev Núkenovamen tanystyǵy týraly aityp bergen bolatyn.
27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Keiin Qýandyq Bishimbaev sotta Saltanat Núkenovany asa qatygezdikpen óltirgenin moiyndamady.
Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
