قۋاندىق بيشٸمباەۆ سوتتا ول تۋرالى جالعان اقپاراتتار ايتىلعانىن مەلٸمدەدٸ, - دەپ حابارلايدى Dalanews.kz.
«ەگەر قۇجاتتارمەن تانىسقان بولساڭىزدار, ايىپتاۋ اكتٸن ەستٸگەن بولارسىزدار. مەن ۇستالعاننان بەرٸ سالتاناتتىڭ تۋىستارى دا, اعاسى دا بولعان جايتتى بۇرمالاپ پيار-كومپانييا ۇيىمداستىرعان. كٶزٸ اعىپ, باس سٷيەگٸ سىنىپ, ساۋ جەرٸ قالماعان دەيدٸ. مۇنىڭ بەرٸ ٶتٸرٸك. ايىپتاۋ اكتٸندە مۇنداي نەرسە جوق. مەن ٶزٸمدٸ قورعاۋعا مەجبٷر ەكەنٸمدٸ ايتقىم كەلٸپ وتىر. قانداي جازا تاعايىندالسا دا دايىنمىن, بٸراق مەن ٶزٸمدٸ قورعاۋىم كەرەك. ٶتٸرٸك الداۋدان ماعان پايدا جوق.
مەنٸ بەس اي بويى ايۋان دەيدٸ. بەس اي بويى بۇرمالاۋ ارقىلى ماعان قارسى كٶزقاراس قالىپتاستى. سٶيلەۋگە مٷمكٸندٸگٸم بولمادى. مەن ماعان تاعىلعان ايىپقا, بۇرمالانعان اقپاراتتىڭ بٸردە-بٸرەۋٸنە جاۋاپ بەرە الماي, قانداي كٷيدە بولعانىمدى تٷسٸنۋلەرٸڭٸز كەرەك», - دەيدٸ بيشٸمباەۆ سوتتا.
ەسكە سالايىق, بۇعان دەيٸن بيشٸمباەۆ نٷكەنوۆامەن تانىستىعى تۋرالى ايتىپ بەرگەن بولاتىن.
27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
كەيٸن قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى.
بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
