1 tamyzdaǵy jaǵdaı boıynsha, COVID-19 zerthanalyq rastalǵan jaǵdaılardyń sany - 1226, sońǵy bir táýlikte koronavırýstan 36 adam qaıtys boldy.
Anyqtalmaǵan etıologıasy bar, biraq koronavırýstyq ınfeksıanyń klınıkalyq jáne epıdemıologıalyq belgileri tabylǵan pnevmonıamen aýyrǵandar sany – 5181. Ótken táýlikte pnevmonıa dıagnozymen 30 ólim jaǵdaıy tirkeldi.
Mınıstrlik koronavırýstyq pnevmonıamen aýyrǵandardyń shildedegi málimetin áli kúnge jarıalaǵan joq.
Al koronavırýs juqtyrǵan azamattardyń sany el kóleminde 91 593-ke jetti. Bul kórsetkish boıynsha Qazaqstan Qytaıdan asyp tústi. Qytaıda koronavırýs ınfeksıasy búginge deıin - 84 337 adamnan anyqtaldy.
Aıta ketelik Qazaqstandaǵy halyq sany 18 mln-dy quraıdy, al Qytaıda 1,5 mlrd-qa taqaý adam turady.
Maýsym aıynda Qazaqstanda pnevmonıaǵa shaldyqqandardyń sany kúrt ósip, bir aıda - 628 adam kóz jumdy. Olardyń koronavırýs synamasy teris nátıje kórsetkenmen, belgileri qaýipti indetke uqsas bolatyn.
Prezıdent Toqaev koronavırýs juqtyrǵandar men indetten qaıtys bolǵandardyń resmı statısıkasyna kúmán keltirip, pandemıa boıynsha kórsetkishti burmalamaýdy buıyrǵan edi.
