"12 naýryzda jolaýshy Milannan Nur-Sultanǵa ushyp keldi. Onyń reisi tranzitpen ótti: Milan-Máskeý-Nur-Sultan.
Onyń qanynan koronavirýs belgileri tabyldy. Ony birden karantinge ornalastyrdyq. Bortta bolǵan jolaýshylardyń tizimi bizde bar.
Onda 90 jolaýshy bolǵan. Onyń ishinde 37 Qazaqstan azamaty, 42 Resei azamaty jáne 11 azamat ózge elderden kelgen. Onymen bailanysta bolǵan adamdar anyqtalýy tiis", - dedi ol.
Budan bólek Birtanov jýrnalisterden virýsqa qatysty túsindirý jumystaryna atsalysýdy surady.
"Sizderge aitarym bar. Buqaralyq aqparat quraldarynyń múmkindigin paidalanyp, azamattarǵa túsindirý jumystaryn júrgizý qajet. Basqa memleketterde 2-3 aidyń ishinde másele sheshiledi, infektsiia toqtaidy. Sondyqtan jaǵdaidy túsiný qajet. Gigienany saqtaǵan jón", - dedi ol ortalyq kommýnikatsiialar qyzmetinde ótken brifingte.
Buǵan deiin Germaniiadan kelgen eki Qazaqstan azamatynan (1974 jylǵy er adam jáne 1984 jylǵy áiel adam) koronavirýs tabylǵany habarlandy.
Ministrdiń aitýynsha, olar 9 jáne 12 naýryzda eki túrli ushaqpen ushyp kelgen. Bir ushaqta bolǵan 12 adamnyń barlyǵy karantinge jiberilgen.
Al 9 naýryz kúngi reiste bolǵan 73 jolaýshyny taýyp, karantinge jatqyzý máselesi qarastyrylyp jatqanyn ministr alǵa tartty.
