Almatyda qaýipti infektsiiany juqtyryp alǵan meditsina qyzmetkerlerine tiisti epidemiologiialyq tekserýden keiin 2 mln teńge ótemaqy alady. Bul týraly qalalyq Densaýlyq saqtaý basqarmasynyń basshysy Tileýhan Ábildaev málimdedi dep habarlaidy Dalanews.kz.
Koronavirýspen kúreske tartylǵan jáne sonyń barysynda qaýipti virýsty juqtyryp alǵan meditsina mamandaryna 2 mln teńge ótemaqy tólenedi. Bul qarajat Densaýlyq saqtaý ministrligi júrgizetin tiisti epidemiologiialyq tekserýden keiin beriledi.
"Ázir biz dárigerlerdiń jeke qorǵanys quraldaryn qanshalyqty durys qoldanǵanyn, olardy qanshalyqty jii aýystyryp otyrǵanyn tekserý ústindemiz. Tekserý jumysy aiaqtalǵannan keiin sheshim qabyldanady", – dedi Ábildaev.
Budan buryn Tótenshe jaǵdai kezinde qurylǵan memkomissiia koronavirýs juqtyrǵan naýqastarǵa kómek kórsetetin dárigerlerdiń ailyǵyna úsh ai boiyna ústemaqy qosylatynyn aitqan.
Budan bólek Úkimet virýs juqtyrǵan dárigerlerge 2 mln teńge ótemaqy tólep beredi. Dáriger osy indetten kóz jumǵan jaǵdaida memleket 10 teńge mln ótemaqy tóleýge mindetti.
Almatyda sońǵy derek boiynsha 234 meditsina qyzmetkeri koronavirýs juqtyrǵan.
17 sáýir saǵat 12:30-daǵy málimet boiynsha Qazaqstanda koronavirýs 1480 adamnan anyqtaldy. Olardyń 285 -i jazylyp shyqty, 17 adam qaitys boldy.
