الماتىدا ءقاۋىپتى ينفەكسيانى جۇقتىرىپ العان مەديسينا قىزمەتكەرلەرىنە ءتيىستى ەپيدەميولوگيالىق تەكسەرۋدەن كەيىن 2 ملن تەڭگە وتەماقى الادى. بۇل تۋرالى قالالىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ مالىمدەدى دەپ حابارلايدى Dalanews.kz.
كوروناۆيرۋسپەن كۇرەسكە تارتىلعان جانە سونىڭ بارىسىندا ءقاۋىپتى ۆيرۋستى جۇقتىرىپ العان مەديسينا ماماندارىنا 2 ملن تەڭگە وتەماقى تولەنەدى. بۇل قاراجات دەنساۋلىق ساقتاۋ مينيسترلىگى جۇرگىزەتىن ءتيىستى ەپيدەميولوگيالىق تەكسەرۋدەن كەيىن بەرىلەدى.
"ءازىر ءبىز دارىگەرلەردىڭ جەكە قورعانىس قۇرالدارىن قانشالىقتى دۇرىس قولدانعانىن، ولاردى قانشالىقتى ءجيى اۋىستىرىپ وتىرعانىن تەكسەرۋ ۇستىندەمىز. تەكسەرۋ جۇمىسى اياقتالعاننان كەيىن شەشىم قابىلدانادى"، – دەدى ابىلدايەۆ.
بۇدان بۇرىن توتەنشە جاعداي كەزىندە قۇرىلعان مەمكوميسسيا كوروناۆيرۋس جۇقتىرعان ناۋقاستارعا كومەك كورسەتەتىن دارىگەرلەردىڭ ايلىعىنا ءۇش اي بويىنا ۇستەماقى قوسىلاتىنىن ايتقان.
بۇدان بولەك ۇكىمەت ۆيرۋس جۇقتىرعان دارىگەرلەرگە 2 ملن تەڭگە وتەماقى تولەپ بەرەدى. دارىگەر وسى ىندەتتەن كوز جۇمعان جاعدايدا مەملەكەت 10 تەڭگە ملن وتەماقى تولەۋگە مىندەتتى.
الماتىدا سوڭعى دەرەك بويىنشا 234 مەديسينا قىزمەتكەرى كوروناۆيرۋس جۇقتىرعان.
17 ءساۋىر ساعات 12:30-داعى مالىمەت بويىنشا قازاقستاندا كوروناۆيرۋس 1480 ادامنان انىقتالدى. ولاردىڭ 285 ء-ى جازىلىپ شىقتى، 17 ادام قايتىس بولدى.
