Ázirge 35 adam jeke bokstarǵa oqshaýlandyrylǵan. Onyń 22-sine - JRVI, 4 - tumaý jáne bireýine - tumaý men paragripp diagnozdary qoiyldy.
Osylaisha, 27 adam maýsymdyq aýrýmen aýyryp jatyr. Aýrýhanaǵa túsken taǵy 8 adamnan synama alyp, Almatydaǵy Áitimbaev atyndaǵy Infektsiialar ulttyq ǵylymi ortalyǵyna jiberdik. Bul ortalyq jańa koronavirýsty diagnostikalaityn Polimerazdy tizbekti reaktsiia ádistemesin meńgergen. Qazaqstanda koronavirýs infektsiiasyn boldyrmaýdyń bar resýrsy jetkilikti. Dúniejúzilik densaýlyq saqtaý uiymymen jáne Reseimen ózara kásibi kómek jóninde ýaǵdalastyq, - dep aitty Jandarbek Bekshin.
Basa aita ketetini, Densaýlyq saqtaý ministrligi Qytaiǵa kelgen 12 365 qazaqstandyqtardyń 51%, iaǵni 6 449 adamǵa habarlasyp, jaǵdaiyn surap bilgen.
Mundaǵy áńgime qyzýy kóterilgen barlyq turǵyndar emes, 6 qańtardan keiin QHR aýmaǵynan kelgender týraly bolyp otyr. 6 qańtardan búgin tańǵy 7:00-ge deiin QHR men Qazaqstannyń memlekettik shekarasyndaǵy ótkizý beketterinen 12 610 adam ótti. Onyń arasynda 12 365 adam - Qazaqstan azamattary, 245 - sheteldikter. Qazaqstannyń barlyq óńirlerindegi meditsinalyq mamandar osy jolaýshylardyń 51% (6 449 adam) habarlasyp, jaǵdaiyn surady. Olarǵa habarlasyp, esepke qoiýdy jalǵastyramyz, - dep málimdedi spiker búgingi brifing barysynda.
