ازىرگە 35 ادام جەكە بوكستارعا وقشاۋلاندىرىلعان. ونىڭ 22-سىنە - جرۆي، 4 - تۇماۋ جانە بىرەۋىنە - تۇماۋ مەن پاراگريپپ دياگنوزدارى قويىلدى.
وسىلايشا، 27 ادام ماۋسىمدىق اۋرۋمەن اۋىرىپ جاتىر. اۋرۋحاناعا تۇسكەن تاعى 8 ادامنان سىناما الىپ، الماتىداعى ايتىمبايەۆ اتىنداعى ينفەكسيالار ۇلتتىق عىلىمي ورتالىعىنا جىبەردىك. بۇل ورتالىق جاڭا كوروناۆيرۋستى دياگنوستيكالايتىن پوليمەرازدى تىزبەكتى رەاكسيا ادىستەمەسىن مەڭگەرگەن. قازاقستاندا كوروناۆيرۋس ينفەكسياسىن بولدىرماۋدىڭ بار رەسۋرسى جەتكىلىكتى. دۇنيەجۇزىلىك دەنساۋلىق ساقتاۋ ۇيىمىمەن جانە رەسەيمەن ءوزارا كاسىبي كومەك جونىندە ۋاعدالاستىق، - دەپ ايتتى جانداربەك بەكشين.
باسا ايتا كەتەتىنى، دەنساۋلىق ساقتاۋ مينيسترلىگى قىتايعا كەلگەن 12 365 قازاقستاندىقتاردىڭ 51%، ياعني 6 449 ادامعا حابارلاسىپ، جاعدايىن سۇراپ بىلگەن.
مۇنداعى اڭگىمە قىزۋى كوتەرىلگەن بارلىق تۇرعىندار ەمەس، 6 قاڭتاردان كەيىن قحر اۋماعىنان كەلگەندەر تۋرالى بولىپ وتىر. 6 قاڭتاردان بۇگىن تاڭعى 7:00-گە دەيىن قحر مەن قازاقستاننىڭ مەملەكەتتىك شەكاراسىنداعى وتكىزۋ بەكەتتەرىنەن 12 610 ادام ءوتتى. ونىڭ اراسىندا 12 365 ادام - قازاقستان ازاماتتارى، 245 - شەتەلدىكتەر. قازاقستاننىڭ بارلىق وڭىرلەرىندەگى مەديسينالىق ماماندار وسى جولاۋشىلاردىڭ 51% (6 449 ادام) حابارلاسىپ، جاعدايىن سۇرادى. ولارعا حابارلاسىپ، ەسەپكە قويۋدى جالعاستىرامىز، - دەپ مالىمدەدى سپيكەر بۇگىنگى بريفينگ بارىسىندا.
