Kórkem gimnastika – densaýlyq jáne sulýlyqtyń kepili
Kórkem gimnastika tek qana qyzdar ainalysatyn sport túri bolǵandyǵyna qaramastan jer júzinde bul sport túriniń jankúierleri basqa sport túrleriniń jankúierlerinen az emes.
Mýzyka sazymen arnaýly zatpen (lenta, dop, sheńber) nemese zatsyz gimnastikalyq jattyǵýlar kombinatsiialary oryndalatyn qyzdar arasyndaǵy jarys. Kórkem gimnastika shuǵyldanýshylardyń dene sulýlyǵyn qalyptastyryp, estetikalyq tárbie beredi.
Onda tolqyndy, serippeli qozǵalys, iilip, buralý, deneni tik ustaý, bi ónerine tán júris, júgiris, sekirý, halyqtyq bi men shalqyma bi basym keledi. Kórkem gimnastika estetikalyq minez erejesin saqtaýdy oqytady, dene sulýlyǵy týraly túsinikti qalyptastyrady.
Qazirgi tańda Kentaý qalasynda tulymshaǵy jelbiregen qyzdardyń kórkem gimnastikaǵa degen qyzyǵýshylyǵy joǵary. Olardyń kópshiligi bul salada úlken belesti baǵyndyrǵan, dańqty jerlesteri Áliia Júsipovanyń jolymen júrip, elimizdiń atyn álemge pash etýdi maqsat tutqan. Bolashaqta bul jetkishekter arasynan chempiondar shyǵyp, tutas Túrkistan oblysynyń kóz qýanyshyna ainalastyna senimdimiz. Qalada ótken kórkem gimnastikadan ashyq birinshilik jas gimanstardyń buǵanasyn qataityp, óz ara kúsh synasyp, tájiribe almasýyna múmkindik týǵyzdy. Sharany uiymdastyrýshylar mundai sporttyq básekeler jastardyń basyn qosyp, tájiribesin shyńdai túsetinin alǵa tartty.
«Dalanews» aqaparat
