كوركەم گيمناستيكا تەك قانا قىزدار اينالىساتىن سپورت ءتۇرى بولعاندىعىنا قاراماستان جەر جۇزىندە بۇل سپورت ءتۇرىنىڭ جانكۇيەرلەرى باسقا سپورت تۇرلەرىنىڭ جانكۇيەرلەرىنەن از ەمەس.
مۋزىكا سازىمەن ارناۋلى زاتپەن (لەنتا، دوپ، شەڭبەر) نەمەسە زاتسىز گيمناستيكالىق جاتتىعۋلار كومبيناسيالارى ورىندالاتىن قىزدار اراسىنداعى جارىس. كوركەم گيمناستيكا شۇعىلدانۋشىلاردىڭ دەنە سۇلۋلىعىن قالىپتاستىرىپ، ەستەتيكالىق تاربيە بەرەدى.
وندا تولقىندى، سەرىپپەلى قوزعالىس، ءيىلىپ، بۇرالۋ، دەنەنى تىك ۇستاۋ، بي ونەرىنە ءتان ءجۇرىس، جۇگىرىس، سەكىرۋ، حالىقتىق بي مەن شالقىما بي باسىم كەلەدى. كوركەم گيمناستيكا ەستەتيكالىق مىنەز ەرەجەسىن ساقتاۋدى وقىتادى، دەنە سۇلۋلىعى تۋرالى تۇسىنىكتى قالىپتاستىرادى.
قازىرگى تاڭدا كەنتاۋ قالاسىندا تۇلىمشاعى جەلبىرەگەن قىزداردىڭ كوركەم گيمناستيكاعا دەگەن قىزىعۋشىلىعى جوعارى. ولاردىڭ كوپشىلىگى بۇل سالادا ۇلكەن بەلەستى باعىندىرعان، داڭقتى جەرلەستەرى ءاليا ءجۇسىپوۆانىڭ جولىمەن ءجۇرىپ، ەلىمىزدىڭ اتىن الەمگە پاش ەتۋدى ماقسات تۇتقان. بولاشاقتا بۇل جەتكىشەكتەر اراسىنان چەمپيوندار شىعىپ، تۇتاس تۇركىستان وبلىسىنىڭ كوز قۋانىشىنا اينالاستىنا سەنىمدىمىز. قالادا وتكەن كوركەم گيمناستيكادان اشىق بىرىنشىلىك جاس گيمانستاردىڭ بۇعاناسىن قاتايتىپ، ءوز ارا كۇش سىناسىپ، تاجىريبە الماسۋىنا مۇمكىندىك تۋعىزدى. شارانى ۇيىمداستىرۋشىلار مۇنداي سپورتتىق باسەكەلەر جاستاردىڭ باسىن قوسىپ، تاجىريبەسىن شىڭداي تۇسەتىنىن العا تارتتى.
«Dalanews» اقاپارات
