Ońtústik Koreianyń Ansan qalasynda 20 jastaǵy Qazaqstan azamaty meiramhanadan aqsha qoldy etip, politsiianyń qolyna tústi. Ury qylmys ornynan qashqanymen, nebári 10 minýt ishinde ustaldy, dep habarlaidy Dalanews.kz.
Oqiǵa tańǵy 9 shamasynda bolǵan. Jigit meiramhana terezesinen kirip, kassadaǵy seiften 420 myń von, al qaiyrymdylyq jáshiginen taǵy shamamen 70 myń von alyp ketken. Teńgege shaqqanda jalpy 191 000 teńge urlap ketken.
Jumysqa daiyndyqqa kelgen meiramhana iesi beitanys adamdy baiqap qalyp, suraq qoia bergende ol aqshany alyp, qashyp ketken.
Iesi artynan qýsa da, ury tar kóshelerge kirip kózden tasa bolǵan. Abyroi bolǵanda, meiramhana iesi jolai politsiia patrýline kezigip, kómek suraǵan.
Politseiler dereý izdeýge kirisken. Biri kúdiktini jasyl aimaq arqyly 500 metr boiy jaiaý qýsa, ekinshisi kólikpen aldyn bógep, nátijesinde 9:20-da ony qylmys ústinde ustady.
Politsiia qazaqstandyq azamat 2024 jyly Koreiaǵa jumys isteýge kelgenin anyqtaǵan, qurylys alańdarynda jaldamaly jumysshy bolyp istegen. Sońǵy ýaqytta jumyssyz qalyp, monshada túnegen. Tergeýde ol urlyqty Qazaqstanǵa qaitýǵa bilet satyp alý úshin jasaǵanyn moiyndaǵan.
