Ońtústik Koreıanyń prezıdenti Iýn Sok Ól qamaýdan bosatyldy. Sebebi sot ony qamaýǵa alýdy toqtatý týraly ótinishin qanaǵattandyrǵan, dep habarlaıdy Dalanews.kz Yonhap agenttigine siltep.
Impıchment jarıalanǵan prezıdent Iýn Sok Ól juma kúni qamaýdan bosatyldy. Sot onyń qysqa merzimdi áskerı tótenshe jaǵdaı engizýine baılanysty qamaýǵa alýyn joıý týraly ótinishin qanaǵattandyrdy.
Ótken aıda Iýn Seýldiń Ortalyq aýdandyq sotyna ótinish berip, 3 jeltoqsanda áskerı jaǵdaı engizgeni úshin taǵylǵan aıyptyń zańsyz ekenin málimdegen.
15 qańtarda Ońtústik Koreıa bıliginen shettetilgen prezıdent Iýn Sok Ól tutqynǵa alynǵan bolatyn.
Yonhap málimetinshe, joǵary laýazymdy sheneýnikter arasyndaǵy jemqorlyqty tergeý basqarmasy (CIO) Iýndy tergeýge alyp ketken.
Tutqyndalmas buryn Iýn qysqa vıdeoúndeý jarıalap, tergeý basqarmasyna “qaqtyǵystyń aldyn alý úshin” óz erkimen baratynyn málimdegen.
“Bul istiń zańsyz ekenine senimdimin, biraq elde qajetsiz qaqtyǵystar men qan tógilýdiń aldyn alý úshin Jemqorlyqty tergeý búrosyna barýǵa sheshim qabyldadym. Bul — atalǵan isti moıyndaǵanymdy bildirmeıdi”, — dedi ol.
Sonymen qatar Iýn elde zań ústemdigi prınsıpi buzylyp jatqanyn, oǵan qarsy is qozǵaǵan tergeý organdary men tutqyndaýǵa order bergen sot ta mundaı quqyqqa ıe bolmaǵanyn aıtty.
Yonhap-tyń habarlaýynsha, bul el tarıhyndaǵy qyzmettegi prezıdenttiń tutqyndalýymen baılanysty alǵashqy jaǵdaı.
