وڭتٷستٸك كورەيانىڭ پرەزيدەنتٸ يۋن سوك يول قاماۋدان بوساتىلدى. سەبەبٸ سوت ونى قاماۋعا الۋدى توقتاتۋ تۋرالى ٶتٸنٸشٸن قاناعاتتاندىرعان, دەپ حابارلايدى Dalanews.kz Yonhap اگەنتتٸگٸنە سٸلتەپ.
يمپيچمەنت جارييالانعان پرەزيدەنت يۋن سوك يول جۇما كٷنٸ قاماۋدان بوساتىلدى. سوت ونىڭ قىسقا مەرزٸمدٸ ەسكەري تٶتەنشە جاعداي ەنگٸزۋٸنە بايلانىستى قاماۋعا الۋىن جويۋ تۋرالى ٶتٸنٸشٸن قاناعاتتاندىردى.
ٶتكەن ايدا يۋن سەۋلدٸڭ ورتالىق اۋداندىق سوتىنا ٶتٸنٸش بەرٸپ, 3 جەلتوقساندا ەسكەري جاعداي ەنگٸزگەنٸ ٷشٸن تاعىلعان ايىپتىڭ زاڭسىز ەكەنٸن مەلٸمدەگەن.
15 قاڭتاردا وڭتٷستٸك كورەيا بيلٸگٸنەن شەتتەتٸلگەن پرەزيدەنت يۋن سوك يول تۇتقىنعا الىنعان بولاتىن.
Yonhap مەلٸمەتٸنشە, جوعارى لاۋازىمدى شەنەۋنٸكتەر اراسىنداعى جەمقورلىقتى تەرگەۋ باسقارماسى (CIO) يۋندى تەرگەۋگە الىپ كەتكەن.
تۇتقىندالماس بۇرىن يۋن قىسقا ۆيدەوٷندەۋ جارييالاپ, تەرگەۋ باسقارماسىنا “قاقتىعىستىڭ الدىن الۋ ٷشٸن” ٶز ەركٸمەن باراتىنىن مەلٸمدەگەن.
“بۇل ٸستٸڭ زاڭسىز ەكەنٸنە سەنٸمدٸمٸن, بٸراق ەلدە قاجەتسٸز قاقتىعىستار مەن قان تٶگٸلۋدٸڭ الدىن الۋ ٷشٸن جەمقورلىقتى تەرگەۋ بيۋروسىنا بارۋعا شەشٸم قابىلدادىم. بۇل — اتالعان ٸستٸ مويىنداعانىمدى بٸلدٸرمەيدٸ”, — دەدٸ ول.
سونىمەن قاتار يۋن ەلدە زاڭ ٷستەمدٸگٸ پرينتسيپٸ بۇزىلىپ جاتقانىن, وعان قارسى ٸس قوزعاعان تەرگەۋ ورگاندارى مەن تۇتقىنداۋعا وردەر بەرگەن سوت تا مۇنداي قۇقىققا يە بولماعانىن ايتتى.
Yonhap-تىڭ حابارلاۋىنشا, بۇل ەل تاريحىنداعى قىزمەتتەگٸ پرەزيدەنتتٸڭ تۇتقىندالۋىمەن بايلانىستى العاشقى جاعداي.
