Ońtústik Koreianyń demilitarizatsiialanǵan aimaǵynda izdestirý operatsiiasy kezinde belgisiz jarylys bolyp, úsh áskeri qyzmetker jaralandy, dep habarlaidy dalanews.kz.
«Úsh áskeri qyzmetker men serjant demilitarizatsiialanǵan aimaqtyń batys sektorynda áskeri demarkatsiialyq syzyqtyń ońtústiginde operatsiia júrgizý kezinde shyǵý tegi belgisiz jarylystan jaralandy», – dep habarlady Ońtústik Koreianyń Birikken shtabtar komiteti.
Oqiǵa 21 qyrkúiek kúni tańerteń Ońtústik Koreia armiiasynyń bólimshesi izdestirý jumystaryn júrgizip jatqan kezde bolǵan.
Zardap shekken eki áskeri qyzmetker oqiǵa ornynan tikushaqpen áskeri gospitalǵa jetkizildi. Úshinshi sarbaz aýrýhanaǵa aldymen jerústi kóligimen jetkizilip, keiin evakýatsiialanǵan.
Áskeriler jarylystyń naqty sebebin ázirge anyqtaǵan joq. Qazir mina jarylýy múmkin degen nusqa qarastyrylyp jatyr.
Ońtústik Koreia tarapy minanyń marshrýtty tazartý jumystary kezinde ornatylǵan bolýy nemese qatty jańbyr saldarynan Soltústik Koreia aýmaǵynan jyljyp ketýi múmkin degen boljamdy tekserip jatyr.
Buǵan deiin ońtústikkoreialyq áskeriler demilitarizatsiialanǵan aimaqtyń jekelegen ýchaskelerinde jer bederiniń ózgergenin habarlaǵan. Sondai-aq olar Soltústik Koreia áskeri minalar ornatýy múmkin degen másele boiynsha BUU qolbasshylyǵymen keńesken.
Demilitarizatsiialanǵan aimaqtyń uzyndyǵy shamamen 248 shaqyrym, eni tórt shaqyrymǵa jýyq. Ol Soltústik jáne Ońtústik Koreiany bólip tur. Aimaqta minalar men áskeri nysandar kóp.
Qazir Ońtústik Koreia áskeri jarylystyń naqty sebebi men barlyq mán-jaiyn anyqtap jatyr.
