Baianaýyl jastarymen kezdesýde Ashat Oralov Ata Zańǵa engiziletin túzetýler azamattardyń suranysyna onyń ishinde, neǵurlym demokratiialyq, áleýmettik-ádil qoǵam qurý talabyna tolyǵymen jaýap beretinin atap ótti.
– Elimizde sońǵy ret konstitýtsiialyq referendým 1995 jyly ótti. Iaǵni, táýelsiz Qazaqstanda týǵan jastar úshin bul – alǵashqy tájiribe. Sondyqtan árkim óz pikiriniń mańyzdylyǵyn jáne el bolashaǵy úshin jaýapkershilikti sezine otyryp, 5 maýsymda daýys berýi kerek. «Jańa Qazaqstandy» quratyn dál osy jastar jáne bul joldaǵy alǵashqy qadam – referendýmǵa qatysý. Konstitýtsiiaǵa engiziletin ózgerister árbir qazaqstandyqtyqtyń ómirine áser etedi, – dedi Ashat Oralov.
Óz kezeginde, biologiia pániniń jas mamany Bógembai Bahitdenov azamattardyń elimizdiń qoǵamdyq-saiasi ómirine aralasýyn kúsheitýge baǵyttalǵan Prezident usynǵan reformalar baǵytyn tolyǵymen qoldaitynyn atap ótti.
– Men 5 maýsymda sailaý ýchaskesine baramyn. Óitkeni biz, jastar, barynsha belsendilik tanytyp, ózimizdiń azamattyq boryshymyzdy oryndaýymyz kerek dep sanaimyn, – dedi Bógembai Bahitdenov.
Baianaýyl aýdanynyń ziialy qaýym ókilderimen kezdesýde jergilikti turǵyndardyń referendýmǵa usynylǵan túzetýlerdiń máni týraly tolyqqandy habardar ekeni aityldy.
– Konstitýtsiia – bárimiz úshin mańyzy zor eldiń basty zańy. Aldymyzdaǵy aitýly kúni Prezident usynǵan reformalardy kópshilik qoldaitynyna senimdimiz. Osyndai taǵdyrsheshti máseleni ózimizdiń sheshýge quqyǵymyzdyń bolýy – óte qundy, – dedi zaýyt ardageri Nikolai Sýhoterin.
Pavlodarda Ashat Oralov óńirdiń ziialy qaýym ókilderimen jáne aqsaqaldarymen de júzdesti. Jiynǵa qatysýshylar 5 maýsymda oblys turǵyndary sailaý ýchaskelerine baryp, jappai daýys beretinderin jetkizdi.
QHA etnomádeni birlestikteriniń ókilderimen, oblys jastary jáne sportshylarymen ótken kezdesýlerde konstitýtsiialyq ózgeristerdiń mán-mańyzy men onyń elimizdiń turaqty damýyna tigizetin áseri jaiynda sóz qozǵaldy.
– Barlyq túzetýler Parlament arqyly ótse de, zańdy bolar edi. Biraq jalpyulttyq referendým ótkizý – bul halyqtyń quqyqtyq mádenietin arttyratyn elimizdiń tarihyndaǵy mańyzdy oqiǵa, – dep atap ótti Pavlodar oblysynyń fin-ýgor etnomádeni ortalyǵynyń tóraiymy Olga Nikolashina
Sonymen qatar, bastaýysh partiia uiymdary tóraǵalarymen jáne aimaqtaǵy partiia aktivimen kezdesý ótti. Búgingi tańda oblysta 220 partiia uiymyna birikken 48 myńǵa jýyq partiia múshesi bar.
Osy kúni partiia Hatshysy Eldar Jumaǵaziev elektroliz jáne munai-himiia zaýyttarynyń ujymymen kezdesip, óndiris qyzmetshilerin referendýmǵa belsendi qatysýǵa shaqyrdy.
