«AMANAT» پارتياسىنىڭ اتقارۋشى حاتشىسى اسحات ورالوۆ پاۆلودار وبلىسىندا زيالى قاۋىممەن، اۋىل جاستارىمەن، زاۋىت جۇمىسشىلارىمەن، قحا وكىلدەرىمەن، سپورتشىلارمەن، بپۇ توراعالارىمەن جانە پارتيا اكتيۆىمەن ءبىرقاتار كەزدەسۋ وتكىزدى، – دەپ حابارلايدى Dalanews.kz پارتيانىڭ باسپا ءسوز قىزمەتىنە سىلتەمە جاساپ.

باياناۋىل جاستارىمەن كەزدەسۋدە اسحات ورالوۆ اتا زاڭعا ەنگىزىلەتىن تۇزەتۋلەر ازاماتتاردىڭ سۇرانىسىنا ونىڭ ىشىندە، نەعۇرلىم دەموكراتيالىق، الەۋمەتتىك-ادىل قوعام قۇرۋ تالابىنا تولىعىمەن جاۋاپ بەرەتىنىن اتاپ ءوتتى.

– ەلىمىزدە سوڭعى رەت كونستيتۋسيالىق رەفەرەندۋم 1995 جىلى ءوتتى. ياعني، تاۋەلسىز قازاقستاندا تۋعان جاستار ءۇشىن بۇل – العاشقى تاجىريبە. سوندىقتان اركىم ءوز پىكىرىنىڭ ماڭىزدىلىعىن جانە ەل بولاشاعى ءۇشىن جاۋاپكەرشىلىكتى سەزىنە وتىرىپ، 5 ماۋسىمدا داۋىس بەرۋى كەرەك. «جاڭا قازاقستاندى» قۇراتىن ءدال وسى جاستار جانە بۇل جولداعى العاشقى قادام – رەفەرەندۋمعا قاتىسۋ. كونستيتۋسياعا ەنگىزىلەتىن وزگەرىستەر ءاربىر قازاقستاندىقتىقتىڭ ومىرىنە اسەر ەتەدى، – دەدى اسحات ورالوۆ.

ءوز كەزەگىندە، بيولوگيا ءپانىنىڭ جاس مامانى بوگەمباي باحيتدەنوۆ ازاماتتاردىڭ ەلىمىزدىڭ قوعامدىق-ساياسي ومىرىنە ارالاسۋىن كۇشەيتۋگە باعىتتالعان پرەزيدەنت ۇسىنعان رەفورمالار باعىتىن تولىعىمەن قولدايتىنىن اتاپ ءوتتى.

– مەن 5 ماۋسىمدا سايلاۋ ۋچاسكەسىنە بارامىن. ويتكەنى ءبىز، جاستار، بارىنشا بەلسەندىلىك تانىتىپ، ءوزىمىزدىڭ ازاماتتىق بورىشىمىزدى ورىنداۋىمىز كەرەك دەپ سانايمىن، – دەدى بوگەمباي باحيتدەنوۆ.

باياناۋىل اۋدانىنىڭ زيالى قاۋىم وكىلدەرىمەن كەزدەسۋدە جەرگىلىكتى تۇرعىنداردىڭ رەفەرەندۋمعا ۇسىنىلعان تۇزەتۋلەردىڭ ءمانى تۋرالى تولىققاندى حاباردار ەكەنى ايتىلدى.

اقسۋ قالاسىندا پارتيانىڭ اتقارۋشى حاتشىسى فەرروقورىتپا زاۋىتىنىڭ جۇمىسشىلارىمەن كەزدەسىپ، الداعى تۇزەتۋلەردىڭ ماڭىزىن تالقىلادى. زاۋىت قىزمەتكەرلەرى كونستيتۋسياعا ەنگىزىلەتىن وزگەرىستەر قازاقستاندىقتاردىڭ ومىرىنە اسەر ەتەتىندىكتەن، ءاربىر ازامات 5 ماۋسىمدا داۋىس بەرۋگە قاتىسۋى كەرەك دەپ ەسەپتەيدى.

– كونستيتۋسيا – ءبارىمىز ءۇشىن ماڭىزى زور ەلدىڭ باستى زاڭى. الدىمىزداعى ايتۋلى كۇنى پرەزيدەنت ۇسىنعان رەفورمالاردى كوپشىلىك قولدايتىنىنا سەنىمدىمىز. وسىنداي تاعدىرشەشتى ماسەلەنى ءوزىمىزدىڭ شەشۋگە قۇقىعىمىزدىڭ بولۋى – وتە قۇندى، – دەدى زاۋىت ارداگەرى نيكولاي سۋحوتەرين.

پاۆلوداردا اسحات ورالوۆ ءوڭىردىڭ زيالى قاۋىم وكىلدەرىمەن جانە اقساقالدارىمەن دە جۇزدەستى. جيىنعا قاتىسۋشىلار 5 ماۋسىمدا وبلىس تۇرعىندارى سايلاۋ ۋچاسكەلەرىنە بارىپ، جاپپاي داۋىس بەرەتىندەرىن جەتكىزدى.

قحا ەتنومادەني بىرلەستىكتەرىنىڭ وكىلدەرىمەن، وبلىس جاستارى جانە سپورتشىلارىمەن وتكەن كەزدەسۋلەردە كونستيتۋسيالىق وزگەرىستەردىڭ ءمان-ماڭىزى مەن ونىڭ ەلىمىزدىڭ تۇراقتى دامۋىنا تيگىزەتىن اسەرى جايىندا ءسوز قوزعالدى.

– بارلىق تۇزەتۋلەر پارلامەنت ارقىلى وتسە دە، زاڭدى بولار ەدى. ءبىراق جالپىۇلتتىق رەفەرەندۋم وتكىزۋ – بۇل حالىقتىڭ قۇقىقتىق مادەنيەتىن ارتتىراتىن ەلىمىزدىڭ تاريحىنداعى ماڭىزدى وقيعا، – دەپ اتاپ ءوتتى پاۆلودار وبلىسىنىڭ فين-ۋگور ەتنومادەني ورتالىعىنىڭ ءتورايىمى ولگا نيكولاشينا

سونىمەن قاتار، باستاۋىش پارتيا ۇيىمدارى توراعالارىمەن جانە ايماقتاعى پارتيا اكتيۆىمەن كەزدەسۋ ءوتتى. بۇگىنگى تاڭدا وبلىستا 220 پارتيا ۇيىمىنا بىرىككەن 48 مىڭعا جۋىق پارتيا مۇشەسى بار.

وسى كۇنى پارتيا حاتشىسى ەلدار جۇماعازييەۆ ەلەكتروليز جانە مۇناي-حيميا زاۋىتتارىنىڭ ۇجىمىمەن كەزدەسىپ، ءوندىرىس قىزمەتشىلەرىن رەفەرەندۋمعا بەلسەندى قاتىسۋعا شاقىردى.