Ishki ister ministrligi azamattardy kontsertter men buqaralyq is-sharalarǵa bilet satyp alý kezinde saq bolýǵa shaqyrdy, dep habarlaidy Dalanews.kz.
Internette bilet satý nemese alyp-satý boiynsha kúmándi usynystar kezdesýi múmkin.
"Internet jelisinde kontsertter men buqaralyq is-sharalarǵa bilet satyp alý nemese alyp-satý boiynsha jalǵan habarlandyrýlar, sondai-aq, deldaldardyń usynystary kezdesip jatady. Alaiaqtar bilet satyp alýda kómek usynady nemese olardy qymbatqa satady. Odan bólek, jalǵan biletter taratýy da múmkin. Olarǵa sengen adamdar aqsha aýdaryp, sońynda biletsiz qalýy yqtimal. Ishki ister ministrligi azamattardy saq bolýǵa shaqyrady, kez kelgen is-sharaǵa biletti tek resmi ári tekserilgen jerlerden satyp alýdy usynady", - dedi IIM baspasóz hatshysy Shuǵyla Turlybek.
